Diproverbia 16:20 - Sesotho 1909/1961 (SO)

²⁰ Ya hloko ditabeng o tla bona molemo, ho lehlohonolo ya tshepang Jehova.

BIBELE

²⁰ Ya elang ditaelo hloko o a atleha, ya tshepang Morena o a hlohonolofala.

Diproverbia 16:20 ပူးပေါင်းရင်းမြစ်များ

1 Dikronike 5:20

Ba ya ba tlatsitswe, mme Bahagarene ba neelwa matsohong a bona, le bohle bao ba neng ba na le bona; hobane bao ba ne ba howeleditse ho Modimo ba le ntweng, mme wa ba utlwa, ke hobane ba ne ba beile tshepo ya bona ho wona.

Dipesaleme 125:1

Ba itshepetseng Jehova ba jwaloka thaba ya Sione e ke keng ya sisinyeha, e tiileng ka ho sa feleng.

Dipesaleme 146:5

Ho lehlohonolo eo Modimo wa Jakobo e leng thuso ya hae, eo tshepo ya hae e beilweng ho Jehova, Modimo wa hae!

Dipesaleme 2:12

Akang Mora, a se tlo halefa, mme la timela tseleng ya lona, hobane bohale ba hae bo se bo tla tuka. Ho lehlohonolo bohle ba beileng tshepo ya bona ho yena!

Dipesaleme 32:10

Mahlomola a mangata a lebeletse ya kgopo; empa ya itshepelang Jehova o teelwa hare ke mohau wa hae.

Dipesaleme 34:8

Latswang, le bone hoba Jehova o molemo! Ho lehlohonolo motho ya tshabelang ho yena!

Diproverbia 13:13

Ya nyedisang lentswe o a itahla; empa ya tshabang molao o tla putswa.

Diproverbia 13:15

Motsamao o kgabane wa motho ya molemo o a kgahleha; empa tsela ya ba bolotsana e thata.

Diproverbia 17:2

Mohlanka ya bohlale o tla busa mora e mobe wa monga hae, a je lefa hammoho le bara ba monga hae.

Diproverbia 19:8

Ya ithuetseng bohlale o rata moya wa hae, ya bolokang kelello o tla bona lehlohonolo.

Diproverbia 8:35

Hobane ya mphumanang o fumane bophelo, mme o tla bona mohau ho Jehova.

Isaia 30:18

Ka baka leo, Jehova o tla lebella ho le hauhela; ka baka leo, o tla ema ho le rekolohela, hobane Jehova ke Modimo o lokileng. Ho lehlohonolo ba mo tshepang kaofela!

Daniele 3:28

Nebukadnesare a bua, a re: Ho roriswe Modimo wa Shadrake, le Meshake, le Abede-Nego, o romileng lengeloi la wona wa boloka bahlanka ba wona ba o tshepileng, ba tlotseng taelo ya morena, ba tedileng mmele ya bona, hore ba tle ba se ke ba sebeletsa, ba rapela modimo o mong haese Modimo wa bona!

Daniele 6:23

Yaba morena o thaba ka ho fetisisa, mme o laela hore Daniele a nyollwe lemeneng. Daniele a nyollwa lemeneng, mme ha ho a ka ha fumanwa le leqebanyana ho yena, hobane a ne a itshepetse Modimo wa hae.

Mattheu 10:16

Bonang, ke le roma le le jwaloka dinku hara diphiri; ka baka leo, le be bohlale jwaloka dinoha, mme le be ba se nang mano jwaloka maebanakgorwana.