Diproverbia 16:17 - Sesotho 1909/1961 (SO)

¹⁷ Mmila wa ba lokileng ke ho nena bobe, ya elang metsamao ya hae hloko o boloka moya wa hae.

BIBELE

¹⁷ Tsela ya ba lokileng e kgeloha bobe, ya e hlokomelang o baballa bophelo ba hae.

Diproverbia 16:17 ပူးပေါင်းရင်းမြစ်များ

Jobo 1:1

Monna o ne a le teng naheng ya Utse; lebitso la hae e le Jobo; e ne e le motho ya tsamayang ka ho loka le ka bokgabane, ya tshabang Modimo, ya sesefang bobe.

Diproverbia 10:9

Ya tsamayang ka ho loka o tsamaya ka kgotso; empa ya kgopamisang metsamao ya hae o a tsebahala.

Diproverbia 19:16

Ya bolokang molao o boloka moya wa hae, empa ya sa hlokomeleng tsela ya hae o tla timela.

Diproverbia 21:23

Ya ipolokang molomo le leleme o tshabisa moya wa hae mahlomola.

Diproverbia 22:5

Meutlwa le difi di ka tseleng ya motho ya kgopo; ya itisang moya o tla di sesefa.

Diproverbia 4:23

Boloka pelo ya hao ka ho fetisisa, hobane ke yona mehlodi ya bophelo.

Isaia 35:8

Mmila o tla ba teng le tsela e bitswang tsela ya kgalalelo; ha ho motho ya ditshila ya tlang ho feta teng, e tla ba ya ba lokileng feela; ya tsamayang tseleng eo leha e le sethoto, a ke ke a lahleha.

Mattheu 24:13

Empa ya tiisetsang ho fihlela qetellong, ke yena ya tla bolokeha.

Diketso 10:35

Empa hara ditjhaba tsohle, ya o tshabang, le ya etsang ho lokileng, ke yena ya o kgahlisang.

Diketso 24:16

Ke ka baka leo ke tiisang matla kamehla hore ke be le letswalo le sa nnyatseng pela Modimo le pela batho.

BaHebheru 10:39

Haele rona, ha re batho ba kwenehang ho ya timela; empa re ba tiisang tumelo ho pholosa meya ya rona.

Yuda 1:21

le ipoloke leratong la Modimo, le ntse le lebeletse mohau wa Morena wa rona Jesu Kreste, hore le fuwe bophelo bo sa feleng.

Yuda 1:24

Jwale, ho ya ka tsebang ho le boloka, hore le se ke la wa, le ho le hlahisa pontsheng ya hae e kganyang, le se na letheba, le nyakaletse,

Tshenolo 3:10

Erekaha o bolokile lentswe la mamello ya ka, le nna ke tla o lwela nakong ya moleko, o tlang ho hlahela lefatshe kaofela, ho leka ba ahileng lefatsheng.