Diproverbia 15:33 - Sesotho 1909/1961 (SO)

³³ Ho tshaba Jehova ke thuto ya bohlale, mme boikokobetso bo etella kganya pele.

BIBELE

³³ Ho tshaba Morena ho ruta motho bohlale; ikokobetse pele, mme o tla tlotlwa.

Diproverbia 15:33 ပူးပေါင်းရင်းမြစ်များ

Esthere 2:15

Haele Esthere, moradi wa Abikaile, maloma Mordekai, ya neng a mo nkile, a mo etsa moradi wa hae, mohla ho fihlang nako ya hae ya ho kena ho morena, ha a ka a kopa letho haese seo a neng a se boleletswe ke Hegai, tona ya morena, modisa wa basadi; mme Esthere o ne a fumana mohau ho bohle ba mmonang.

Jobo 28:28

Wa ntoo re ho motho: Bona, ho tshaba Morena ke bona bohlale; ho sesefa bobe ke yona kutlwisiso.

Dipesaleme 111:10

Qalo ya bohlale ke ho tshaba Jehova; bohle ba ineelang hoo ba na le kutlwisiso e lokileng. Kganya ya hae e hlola ka ho sa feleng.

Dipesaleme 34:11

Tloong, lona bara ba ka, le mmamele; ke tla le ruta ho tshaba Jehova.

Diproverbia 1:2

tsa ho ruta bohlale le tayo, ho hlahlisa dipuo tse maele,

Diproverbia 1:7

Ho tshaba Jehova ke motheo wa tsebo; empa ba mawatla ba nyedisa bohlale le thuto.

Diproverbia 15:32

Ya hanang tayo o nyedisa moya wa hae; empa ya mamelang kgalemelo o rua bohlale.

Diproverbia 16:1

Merero ya pelo ke ya motho; haele ho bua he leleme, ho taelong ya Jehova.

Diproverbia 18:12

Tshenyeho ha e tla hlaha, pelo ya motho e ye e ikgohomose, empa boikokobetso bo etella hlompho pele.

Diproverbia 29:23

Boikgohomoso ba motho bo a mo kokobetsa, empa ya pelo e ikokobetsang o tla finyella kganyeng.

Diproverbia 8:13

Ho tshaba Jehova ke ho hloya bobe. Ke hloile boikgantsho le boikgohomoso, motsamao o mobe le molomo o kgopo;

Luka 14:11

Hobane e mong le e mong ya ikgodisang, o tla kokobetswa; mme e mong le e mong ya ikokobetsang, o tla hodiswa.

Jakobo 4:10

Ikokobetseng pela Morena, mme o tla le phahamisa.

1 Petrose 5:5

Le lona ba batjha, ipeeng katlase ho ba baholo, mme le apare bohle boikokobetso, le ntse le ipea e mong katlase ho e mong; hobane Modimo o hanela ba ikgohomosang, empa o hauhela ba ikokobetsang.