Diproverbia 15:32 - Sesotho 1909/1961 (SO)

³² Ya hanang tayo o nyedisa moya wa hae; empa ya mamelang kgalemelo o rua bohlale.

BIBELE

³² Ya sa natseng thuto o a inyedisa, empa ya mamelang kgalemo o ekeletswa kutlwisiso.

Diproverbia 15:32 ပူးပေါင်းရင်းမြစ်များ

Dipesaleme 50:17

haele moo o hloile ho lauwa, o lahletse mantswe a ka kamora hao?

Diproverbia 1:7

Ho tshaba Jehova ke motheo wa tsebo; empa ba mawatla ba nyedisa bohlale le thuto.

Diproverbia 10:17

Ya elellwang tayo o tshwere tsela ya bophelo, empa ya hanang nyatso o a lahleha.

Diproverbia 13:18

Bofuma le dihlong ke tsa ya hanang ho lauwa; empa ya amohelang kgalemelo o tla hlomphuwa.

Diproverbia 15:14

Pelo ya motho ya masene e sela tsebo; empa molomo wa mawatla o ikgorisa bosawana.

Diproverbia 15:21

Bohlanya ke thabo ho ya se nang kelello; empa motho ya temoho o tsamaya ka ho sasamala.

Diproverbia 15:31

Tsebe e mamelang tayo e pholosang, e tla dula hara bahlalefi.

Diproverbia 15:33

Ho tshaba Jehova ke thuto ya bohlale, mme boikokobetso bo etella kganya pele.

Diproverbia 15:5

Lehlanya le nyedisa thuto ya ntata lona, empa ya mamelang tayo o a hlalefa.

Diproverbia 17:16

Tsa ho reka letsohong la sethoto di sebetsang na? Na ke ho reka bohlale na? Empa se hloka pelo.

Diproverbia 18:15

Pelo ya motho ya nang le kelello e rua tsebo, tsebe tsa ba bohlale di sela yona.

Diproverbia 19:20

Mamela keletso, o amohele tayo, o tle o hlalefe isao.

Diproverbia 29:1

Motho ya ntseng a kgalemelwa hangata, mme a itshatalatsa molala, o tla robeha hanghang, ho se le sehlare.

Moeklesia 7:5

Ho molemo hore motho a mamele kgalemelo ya ya hlalefileng, ho ena le hore a mamele pina ya mawatla;

Isaia 1:5

Le ya nne le otlwe ho isa kae, haele moo le ntse le eketsa ho ikgantsha? Hlooho yohle e bohloko, pelo yohle e a kula.

Isaia 3:9

Tjhadimo ya difahleho tsa bona e a ba tswa, ba tumisitse dibe tsa bona jwaloka Sodoma, ha ba ka ba di pata; ho madimabe meya ya bona, hobane ke bona ba ipatletseng kotsi.

Jeremia 5:3

Jehova, ha ke re, mahlo a hao a lemohile nnete? Wa ba otla, ba mpa ba sa utlwe bohloko; wa ba fedisa, ba mpa ba hana ho amohela tayo; ba hlile ba ithatafaditse difahleho ho fetisa lefika, ba hana ho sokoloha.

Deuteronoma 21:18

Etlare ha motho a ena le mora ya lonya, ya ikgantshang, ya hanang ho utlwa lentswe la ntatae le lentswe la mmae, mme leha ba ntse ba mo laya, a ntse a hana ho ba utlwa;

Deuteronoma 21:20

ba bolelle baholo ba motse wa habo, ba re: Mora enwa wa rona o lonya, o a ikgantsha; o hana ho utlwa lentswe la rona; ke mohlakafollela, hape ke letahwa.

BaHebheru 12:15

Iponeleng, hore e mong a se ke a haellwa ke mohau wa Modimo, monoko o mahloko o se ke wa le hlahela, wa tla wa le ferekanya, mme ba bangata ba senyeha ke wona.

Jakobo 1:22

Le be baetsi ba lentswe, e seng bautlwi feela ba ithetsang.

Tshenolo 3:19

Nna, ke kgalemela, ke laya bohle bao ke ba ratang; o be le tjheseho hle, mme o bake.