Diproverbia 15:21 - Sesotho 1909/1961 (SO)

²¹ Bohlanya ke thabo ho ya se nang kelello; empa motho ya temoho o tsamaya ka ho sasamala.

BIBELE

²¹ Ya hlokang bohlale o thabiswa ke bothoto, ya nang le kutlwisiso yena o etsa ho lokileng.

Diproverbia 15:21 ပူးပေါင်းရင်းမြစ်များ

Jobo 28:28

Wa ntoo re ho motho: Bona, ho tshaba Morena ke bona bohlale; ho sesefa bobe ke yona kutlwisiso.

Dipesaleme 111:10

Qalo ya bohlale ke ho tshaba Jehova; bohle ba ineelang hoo ba na le kutlwisiso e lokileng. Kganya ya hae e hlola ka ho sa feleng.

Diproverbia 10:23

Ho lewatla ke monyaka ho etsa hampe; ho motho ya hlalefileng monyaka ke ha a etsa ka bohlale.

Diproverbia 11:12

Ya nyedisang wa habo ha a na kelello; empa ya nang le kutlwisiso o a kgutsa.

Diproverbia 14:16

Ya bohlale o na le tshabo, o sesefa bobe; empa ya thotofetseng o tlatselela feela, mme o a itshepa.

Diproverbia 14:8

Bohlale ba motho ya masene bo mo bontsha tsela ya hae, empa bosawana ba setseketseke bo a se thetsa.

Diproverbia 14:9

Mawatla a swaswa ka sebe, empa ba lokileng ba thabelana.

Diproverbia 15:22

Moo ho eletsana ho leng siyo, merero e a qhalana, empa e tiya ke ho rerisana ha ba bangata.

Diproverbia 4:25

Mahlo a hao a shadime, a tsepame, dintshi tsa hao le tsona di ribolohe ka ho loka.

Diproverbia 4:26

O iqamakele ho hata ha maoto a hao hantle, tsela tsa hao tsohle di tle di loke.

Baefese 5:15

Ha ho le jwalo, iponeleng hore le tsamaye ka kelello, e seng jwaloka mawatla, e mpe e be jwaloka ba bohlale.

Jakobo 3:13

O kae hara lona ya hlalefileng, ya rutehileng? A ke a bonahatse ka motsamao wa hae o motle mesebetsi ya hae ka mosa o tswalwang ke bohlale.