Diproverbia 15:19 - Sesotho 1909/1961 (SO)

¹⁹ Tsela ya sekgoba ke lekgwakgwa la meutlwa; empa tsela ya ba lokileng ke mmila o latsehileng.

BIBELE

¹⁹ Tsela ya sekgoba e ririellane meutlwa, athe ya ya lokileng yona e bataletse hantle.

Diproverbia 15:19 ပူးပေါင်းရင်းမြစ်များ

Dipesaleme 25:12

Na motho ke ofe ya tshabang Jehova? Jehova o tla mmontsha tsela eo a tshwanetseng ho ikgethela yona.

Dipesaleme 27:11

Jehova, o mpontshe tsela ya hao, o ntsamaise tseleng e lokileng, ka baka la bao e leng dira ho nna.

Dipesaleme 5:8

Jehova, ntsamaise ho lokeng ha hao, ka baka la ba ntwantshang; o lokise tsela ya hao pela ka. Hobane ha ho nnete melomong ya bona, ke thato ya ho senya feela;

Diproverbia 11:5

Ho loka ha motho ya lokileng ho tla mo hlekela tsela, empa e mobe o tla dihelwa ke bobe ba hae.

Diproverbia 15:18

Motho ya bohale o hotetsa phapang; empa ya diehang ho hlonama o tima dikomang.

Diproverbia 15:20

Ngwana ya bohlale o thabisa ntatae; empa ngwana ya lehlanya o nyedisa mmae.

Diproverbia 22:13

Motho wa sekgoba o re: Tau e teng kantle, nka bolawa mapatlelong.

Diproverbia 22:5

Meutlwa le difi di ka tseleng ya motho ya kgopo; ya itisang moya o tla di sesefa.

Diproverbia 26:13

Sekgoba se re: Tau e rorang e teng tseleng, tau e bohale e mabaleng.

Diproverbia 3:6

O mo kenye mererong ya hao yohle, mme o tla o tsamaisa ditseleng tsohle tsa hao.

Diproverbia 6:6

Hela sekgoba! eya ho bohlwa, o qamake mekgwa ya bona, o tle o hlalefe.

Diproverbia 8:9

Tsohle ke tse utlwahalang ho motho ya nang le kelello, di lokile ho ya fumaneng tsebo.

Isaia 30:21

Ditsebe tsa hao di tla utlwa lentswe kamora hao, le reng: Tsela ke yona ena, tsamayang ho yona, esere la ya ka ho le letona, kapa ka ho le letshehadi.

Isaia 35:8

Mmila o tla ba teng le tsela e bitswang tsela ya kgalalelo; ha ho motho ya ditshila ya tlang ho feta teng, e tla ba ya ba lokileng feela; ya tsamayang tseleng eo leha e le sethoto, a ke ke a lahleha.

Isaia 57:14

Ho tla thwe: Batalatsang, batalatsang, le lokise tsela, le tlose dikgopiso tsohle tseleng ya setjhaba sa ka!