Diproverbia 15:16 - Sesotho 1909/1961 (SO)

¹⁶ Leruonyana le lenyenyane la ya tshabang Jehova le fetisa maruo a maholo a nang le dipelaelo.

BIBELE

¹⁶ Sejosenyane se molemo ha o tshaba Morena, ho ena le maruo a o bakelang ditsietsi.

Diproverbia 15:16 ပူးပေါင်းရင်းမြစ်များ

Dipesaleme 37:16

Se senyenyane se ruilweng ke ya lokileng se fetisa nala ya ba babe ba bangata;

Diproverbia 10:22

Lehlohonolo la Jehova le entsha motho, hase mokgathala wa hae o mo ekeletsang leruo.

Diproverbia 15:15

Ho motho ya hlomohileng matsatsi a ba mabe kaofela; empa pelo e tshweu ke mokete wa kamehla.

Diproverbia 16:8

Leruo le lenyenyane le nang le ho loka, le molemo ho feta menono e mengata e nang le bokgopo.

Diproverbia 17:1

Ho monate ho ja phate feela moo kgotso e leng teng, ho ena le ho dula tlung e tletseng dinama, moo dikomang di leng teng.

Diproverbia 28:6

Mofumanehi ya tsamayang ka bokgabane ba hae o fetisa ya ditsela tse kgopo, leha a ruile.

Moeklesia 4:6

empa seatla se le seng se tletseng phomolo se molemo ho ena le diatla tse pedi tse tletseng mokgathala le mosebetsi o nyopileng.

1 Timothea 6:6

Efela borapedi, ha bo ena le ho kgolwa ha pelo, ke leruo le leholo.