Diproverbia 15:12 - Sesotho 1909/1961 (SO)

¹² Monyefodi ha a rate ya mo kgalemelang; ha a kopane le ba bohlale.

BIBELE

¹² Mosomi yena o hloile kgalemo, le ho ba bohlale a ke ke a batla keletso.

Diproverbia 15:12 ပူးပေါင်းရင်းမြစ်များ

2 Dikronike 18:7

Morena wa Iseraele a re ho Josafate: Ho sa na le monna e mong eo re ka botsang Jehova ka yena; empa ke mo hloile, kahobane ha a mporofetele molemo, empa e le bobe; ke Mikea, mora Jimla. Josafate a re: Morena a se ke a rialo.

Jobo 21:14

Leha ho le jwalo, ba re ho Modimo: Tloha ho rona! ha re rate ho tseba ditsela tsa hao;

Diproverbia 1:22

bo re: Helang, lona dithoto, le tla rata bothoto ho le hokae na? Ho tla nne ho be hokae na basomi ba thabelang ho soma, mme mahlanya a hloya tsebo na?

Diproverbia 13:1

Ngwana ya bohlale o hlokomela thuto ya ntatae; empa mosomi ha a ele tayo sedi.

Diproverbia 14:6

Monyefodi o batla bohlale, empa ha a bo fumane; athe tsebo e fumanwa ka bonolo ke ya masene.

Diproverbia 15:10

Tayo e bohloko ho ya kgelohileng tsela, mme ya e hloileng o tla timela.

Amose 5:10

Bao ba hloya ya eletsang kgotla, ba ile ya bolelang tse lokileng.

Johanne 7:7

Lefatshe le ke ke la le hloya; empa nna, le ntlhoile, hobane ke ntse ke le pakela hore mesebetsi ya lona e mebe.

2 Timothea 4:3

Hobane nako e tla ba teng eo ba ke keng ba mamella thuto ya pholoho, empa ka baka la ho hlohlona ha ditsebe tsa bona, ba tla ipokelella baruti ba dumellanang le ditakatso tsa bona;