Diproverbia 14:6 - Sesotho 1909/1961 (SO)

⁶ Monyefodi o batla bohlale, empa ha a bo fumane; athe tsebo e fumanwa ka bonolo ke ya masene.

BIBELE

⁶ Mosomi o batla bohlale, empa ha a bo fumane, ya nang le kutlwisiso tsebo o e fumana habonolo.

Diproverbia 14:6 ပူးပေါင်းရင်းမြစ်များ

Dipesaleme 119:18

O tutubolle mahlo a ka, ke tle ke bohisise mehlolo e patilweng molaong wa hao.

Diproverbia 1:5

Ya bohlale a utlwe, mme o tla eketsa tsebo; ya hlalefileng le yena o tla ithuela masene,

Diproverbia 14:5

Paki e tshepehang e ke ke ya bolela leshano; empa paki e mano e fefetha mashano feela.

Diproverbia 14:7

Hlobohana le lewatla, ha o le bona; hobane ha le na molomo o nang le tsebo.

Diproverbia 15:12

Monyefodi ha a rate ya mo kgalemelang; ha a kopane le ba bohlale.

Diproverbia 17:16

Tsa ho reka letsohong la sethoto di sebetsang na? Na ke ho reka bohlale na? Empa se hloka pelo.

Diproverbia 17:24

Ya kelello o qamakisisa bohlale pela hae, empa mahlo a lehlanya a tjhalakela pheletsong tsa lefatshe.

Diproverbia 18:2

Se kgahlisang lehlanya hase ho rua hlalefo, empa e le ho hlahatsa se ka pelong ya lona.

Diproverbia 24:7

Bohlale bo phahamile, bo feta ya leahlama; a ke ke a ba le molomo kgotla.

Diproverbia 26:12

Ana o bone motho ya iponang bohlale? Lehlanya le tshepisa ho fetisa eo.

Diproverbia 8:8

Dipolelo tsohle tsa molomo wa ka di lokile: ho tsona ha ho na letho le sokameng, le kgelohileng.

Diproverbia 8:9

Tsohle ke tse utlwahalang ho motho ya nang le kelello, di lokile ho ya fumaneng tsebo.

Isaia 8:20

Eyang molaong le bopaking; ekareha ho sa uwe ka lentswe lena, etlaba setjhaba ha se sa tla tjhabelwa ke tsatsi le leng.

Jeremia 8:9

Ba bohlale ba ya hlabiswa dihlong, ba thothomele, ba tshwarwe; bonang, ba kgesitse lentswe la Jehova, ba na le bohlale bofe?

1 Bakorinthe 8:2

Ekare ha motho a lekanya hoba o tseba ntho, ha a eso ho tsebe letho kamoo a tshwanetseng ho tseba kateng.

Jakobo 1:5

Ha e mong ho lona a hloka bohlale, a bo kope ho Modimo, o sitsang bohle ka phano e kgolo, o se na ho kganana, mme o tla bo newa.