Diproverbia 14:22 - Sesotho 1909/1961 (SO)

²² Ba rerang bobe ha ba lahlehe na? Empa molemo le nnete ke tsa ba rerang botle.

BIBELE

²² Ba rerang bobe ba a lahleha, empa ba rerang botle ba fumana mohau le nnete.

Diproverbia 14:22 ပူးပေါင်းရင်းမြစ်များ

Genese 24:27

a re: Ho bokwe Jehova, Modimo wa mong a ka Abrahama, ya sa kang a hlokisa mong a ka lereko la hae le botshepehi ba hae! Haele nna, Jehova o fela a ntsamaisitse ho ntlisa tlung ya banababo mong a ka.

2 Dikronike 6:8

Jehova a mpa a re ho ntate Davida: Kgopolo eo ya hao, ya ho hahela lebitso la ka ntlo, o fela o hopotse hantle;

Dipesaleme 25:10

Ditsela tsa Jehova kaofela ke mohau le nnete ho bohle ba bolokang selekane sa hae le ditaelo tsa hae.

Dipesaleme 36:4

O rera bokgopo diphateng tsa hae; o ya ka tsela e seng molemo; ha a na ho hloya bobe.

Dipesaleme 61:7

a tle a dule teroneng pela Modimo ka ho sa yeng kae. Lokisa mohau le nnete, di tle di mo lebele!

Diproverbia 12:2

Motho ya molemo o tla fumana mohau ho Jehova, empa o tla tswa ya merero e mebe.

Diproverbia 12:26

Ya lokileng ke motsamaisi wa bahabo; empa tsela ya ba babe e a ba lahla.

Diproverbia 14:17

Motho ya bohale o etsa tsa bowatla, mme ya ditaba tse lonya o a hlouwa.

Diproverbia 14:23

Mosebetsi ka mong o na le moputso; empa ho qamota feela ho qephisa maruo.

Diproverbia 19:22

Molemo wa motho o tsejwa ka seo a ratang ho se etsa, ke moo mofutsana a fetang morui ya lehata.

Diproverbia 24:8

Ya rerang maqebo a bobe o tla bitswa rabolotsana.

Diproverbia 3:29

O se ke wa rera wa heno ka bobe, ha a ntse a ahisane le wena ka kgotso.

Diproverbia 3:3

Molemo le nnete di se ke tsa kgaohana le wena, o ithwalle tsona molaleng wa hao, o di ngole letlapeng la pelo ya hao;

Diproverbia 6:14

Pelo ya hae e senyehileng e rera bobe kamehla, e jala diphapang;

Mikea 2:1

Ho madimabe ba nahanang bolotsana, ba rerang bobe diphateng tsa bona! Ba bo etsa leseding la meso, hobane matsoho a bona ho bona ke modimo.

Mattheu 5:7

Ho lehlohonolo ba mohau; hobane ba tla hauhelwa.

Johanne 1:17

Hobane molao o neilwe ka Moshe, mohau le nnete di hlahisitswe ka Jesu Kreste.

Joshua 2:14

Banna bao ba re ho yena: Ho phela ha rona, ho ke ho neelwe lefu bakeng sa lona! Ha le sa hlahise taba ena ya rona, etlare ha Jehova a se a re neile lefatshe, ruri re tla o etsa ka botle le ka nnete.