Diproverbia 13:9 - Sesotho 1909/1961 (SO)

⁹ Lesedi la ba lokileng ke thabo; empa lebone la ba babe le a tima.

BIBELE

⁹ Lebone la ya lokileng le tuka haholo, empa bone la ya kgopo lona le tla tingwa.

Diproverbia 13:9 ပူးပေါင်းရင်းမြစ်များ

1 Marena 11:36

Haele mora hae, ke tla mo nea leloko le le leng, hore mohlanka wa ka, Davida, a nne a be le lebone le tukang kamehla pela ka Jerusalema, motse oo ke ikgethetseng wona ho bea lebitso la ka ho wona.

Jobo 21:17

Ke mohlomong feela lebone la ba bolotsana le tingwang, ha ba atise ho welwa ke tshenyeho; Modimo ha o atise ho ba abela maswabi kgalefong ya wona,

Jobo 29:3

Mehleng eo, lebone la wona le ne le kganyetsa hlooho ya ka; ka lesedi la wona ke ne ke tseba ho tsamaya hara lefifi.

Dipesaleme 112:4

Lefifing, lesedi le tjhabela ya lokileng; o mohau, o lereko, o lokile.

Dipesaleme 97:11

Lesedi le jaletswe ya lokileng, thabo e neilwe ba pelo e lokileng.

Diproverbia 13:10

Boikgohomoso bo hlahisa phapang feela; empa bohlale bo ho ba mamelang keletso.

Diproverbia 13:8

Leruo la motho le ka lopolla bophelo ba hae; empa mofutsana yena a ke ke a qalwa ke dira.

Diproverbia 20:20

Ya rohakang ntatae le mmae, lebone la hae le tla tima lefifing.

Diproverbia 24:20

hobane ha ho moputso o boloketsweng batho ba sa lokang, mme lebone la ba babe le tla tima.

Diproverbia 4:18

Tsela ya ba lokileng e jwaloka lesedi le kganyang, le ntseng le eketsa ho kganya ho fihlela motshehare o moholo o phethehileng.

Ezekiele 32:7

Mohla ke o timang, ke tla kwahela mahodimo, ke fifatse dinaledi tsa wona; letsatsi ke tla le kwahela ka leru, mme kgwedi ha e sa tla hlahisa ngwedi ya yona.

Numere 27:4

A ke ka baka lang ha lebitso la ntata rona le tloswa lelokong la hae, kahobane a sa ka a ba le mora? O re fe lefa hara banababo ntata rona.

Mattheu 22:13

Yaba morena o re ho bahlanka: Mmofeng maoto le matsoho, le mo nke, mme le mo lahlele lefifing le kantle, moo dillo di tla ba teng le ditsikitlano tsa meno.

Mattheu 25:8

Mawatla a re ho ba bohlale: Le re qhatsetse ole, hobane dilampi tsa rona di a tima.