Diproverbia 13:8 - Sesotho 1909/1961 (SO)

⁸ Leruo la motho le ka lopolla bophelo ba hae; empa mofutsana yena a ke ke a qalwa ke dira.

BIBELE

⁸ Bophelo ba motho bo ka lopollwa ka maruo a hae, mofumanehi yena ha a ke a sokelwa ke motho.

Diproverbia 13:8 ပူးပေါင်းရင်းမြစ်များ

2 Marena 24:14

A isa le ba Jerusalema bohle kgolehong, le mahosana wohle, le bahlabani ba matla; ba isitsweng kgolehong ya eba banna ba dikete tse leshome, le ditei, le malala, ho se ke ha sala le a mong, haese mafutsana a setjhaba sa lefatshe.

2 Marena 25:12

Leha ho le jwalo, molaodi wa bahlabani ba morena a siya mafutsana a lefatshe, hore a leme masimo a merara le masimo a mang.

Jobo 2:4

Satane a araba Jehova, a re: Letlalo ka letlalo! tsohle tseo motho a nang le tsona, a ka di ntshetsa bophelo ba hae.

Eksoda 21:30

Ha a lefiswa, a lefelle bophelo ba hae kahohle kamoo a ka lefiswang kateng.

Diproverbia 13:7

O teng e mong ya iketsang morui, athe ha a na le letho; e mong o iketsa mofumanehi, athe o ruile haholo.

Diproverbia 13:9

Lesedi la ba lokileng ke thabo; empa lebone la ba babe le a tima.

Diproverbia 14:24

Maruo a motho ya hlalefileng ke moqhaka wa hae; haele lewatla, bowatla ba lona e ntse e le bowatla.

Diproverbia 6:35

A ke ke a amohela tefo, bohale ba hae o ke ke wa ba wa bo tima, leha o ka mo thoothella dimpho tse ngata.

Jeremia 39:10

Empa haele mafutsana a setjhaba, a se nang eng le eng, Nebusaradane, molaodi wa balebedi, a a tlohela lefatsheng la Juda, a ba a a nea masimo a merara le masimo a lengwang.

Jeremia 41:8

Empa batho ba leshome ba eba teng ho bona, ba bolella Ishmaele, ba re: O se ke wa re bolaya, hobane re na le moo re patileng koro naheng, le harese, le ole, le dinotshi. Yaba o a ba lesela, mme ha ba ka ba eshwa le ba habo bona.

Sofonia 3:12

Ke tla siya kahare ho wena setjhaba se kokobetseng, se fokolang, mme ba tla tshepa lebitso la Jehova.

Mattheu 16:26

Hobane leha motho a ka rua lefatshe lohle, ha a timeletswe ke moya wa hae, ekaba o ruileng ka lona na? Kapa motho moya wa hae a ka o reka kang?

Luka 12:23

Bophelo bo fetisa dijo, le mmele o fetisa diaparo.