Diproverbia 13:2 - Sesotho 1909/1961 (SO)

² Motho o kgoriswa molemo ke tholwana tsa molomo wa hae; empa ba bolotsana bona ba tla ja tshenyeho.

BIBELE

² Motho o kgola tholwana tse monate, tholwana tsa dipuo tsa hae, ya sa tshepahaleng yena o lapetse mahahapa.

Diproverbia 13:2 ပူးပေါင်းရင်းမြစ်များ

Dipesaleme 140:11

Motho ya leleme le lebe a ke ke a tiya lefatsheng, motho ya bohale o tla welwa ke dikotsi, a dihuwe.

Dipesaleme 75:8

Hobane mohope o letsohong la Jehova, veine e phophoma ho wona, e tletse ditswako; o tshela ka wona, mme banyefodi ba lefatshe ba tla nwa ho wona, ba be ba nwe le ditshifa.

Diproverbia 1:18

athe bona ba lalla madi a bona, ba tjheha ho phela ha bona.

Diproverbia 1:31

jwale, ba tla ja ditholwana tsa mekgwa ya bona, ba kgore merero ya bona.

Diproverbia 10:11

Molomo wa motho ya lokileng ke sediba sa bophelo; empa lonya le kwahetse molomo wa ya sa lokang.

Diproverbia 11:23

Seo motho ya lokileng a se dumang ke botle ruri; empa seo ba babe ba ka se tshepang ke kgalefo feela.

Diproverbia 12:14

Ka tsa molomo wa hae motho o tla kgora molemo; mme motho o tla putswa ka seo matsoho a hae a se sebetsang.

Diproverbia 18:20

Mpa ya motho e kgora ditholwana tsa leleme la hae, motho o kgodiswa ke tse hlahiswang ke molomo wa hae.

Diproverbia 18:21

Lefu le bophelo di matleng a leleme; ba le ratang ba tla ja tholwana tsa lona.

Diproverbia 4:17

Hobane bohobe boo ba bo jang ke bobe, lonya ke veine eo ba e nwang.

Hosea 10:13

Le lemile bokgopo, le kotutse bolotsana, le jele dijo tsa leshano. Hobane, wena Iseraele, o tshepile metsamao ya hao le bongata ba dinatla tsa hao.

Habakuke 2:17

Hobane bolotsana bo entsweng Lebanone bo tla o apesa, le tshenyo e bileng ya tshosa diphoofolo. Ho tla ba jwalo ka baka la madi a batho, le ka baka la ho tsohela lefatshe matla, le motse le bohle ba ahileng ho wona.

Habakuke 2:8

Kahobane o lobetse ditjhaba tse ngata, masala wohle a ditjhaba a tla o lobela, ka baka la madi a batho, le ka baka la ho tsohela lefatshe matla, le motse, le bohle ba ahileng ho wona.

Tshenolo 16:6

Erekaha ba tsholotse madi a bahalaledi le a baporofeta, o ba file madi ho nwa; hobane ho ba loketse.