Diproverbia 12:25 - Sesotho 1909/1961 (SO)

²⁵ Maswabi a fifatsa pelo ya motho; empa puo e molemo e a e thabisa.

BIBELE

²⁵ Ho feha matshwafo ho nyahamisa pelo ya motho, polelo e monate yona e a e thoba.

Diproverbia 12:25 ပူးပေါင်းရင်းမြစ်များ

Dipesaleme 38:6

Ke kobame, ke manahane hampe; ke ntse ke tsamaya ka bofifi tsatsi lohle;

Dipesaleme 42:11

Moya wa ka, o hlorelang, o nyarohetseng kahare ho nna? O itshepele Modimo; ke sa tla o roka, ke Mmoloki wa ka le Modimo wa ka.

Diproverbia 12:18

E mong ha a bebera, puo tsa hae di hlaba jwaloka tsenene, empa molomo wa ya bohlale o a thoba.

Diproverbia 12:26

Ya lokileng ke motsamaisi wa bahabo; empa tsela ya ba babe e a ba lahla.

Diproverbia 14:10

Pelo e itsebela ho baba ha yona; le teng, ho thaba ha yona ho ke ke ha kopanelwa ke motho e mong.

Diproverbia 15:13

Pelo e thabileng e edisa sefahleho; empa moya o kgathala ke bohloko ba pelo.

Diproverbia 15:15

Ho motho ya hlomohileng matsatsi a ba mabe kaofela; empa pelo e tshweu ke mokete wa kamehla.

Diproverbia 15:23

Motho o hlahisetswa thabo ke ho araba ha molomo wa hae; polelo, ha e boletswe ka ho tshwaneleha, e monate hakakang!

Diproverbia 15:30

Ho ela ha mahlo ho thabisa pelo, ho behelwa tse monate ho nontsha masapo.

Diproverbia 16:24

Puo tse ntle ke lekgeha la dinotshi, di monate moyeng wa motho, di matlafatsa masapo a hae.

Diproverbia 17:22

Pelo e thabileng ke sehlare se matlafatsang; athe moya o hlomohileng o omeletsa masapo.

Diproverbia 18:14

Pelo e jarisa motho ho baba ha hae; empa pelo e robehileng e ka tsoswa ke mang?

Diproverbia 25:11

Polelo e builweng ka motsotso o tshwanelehang, e jwaloka diapole tsa kgauta pitsaneng ya silefera.

Diproverbia 27:9

Ole le tse nkgang hamonate di thabisa pelo, ho jwalo keletso e tswang pelong ya motswalle ya mosa.

Isaia 50:4

Morena Jehova o nneile leleme la ba rutehileng, ke tle ke tsebe ho kgothatsa ya kgathetseng ka lentswe la ka. Ke yena ya ntsosang kameso yohle, ya bulang ditsebe tsa ka, ke tle ke tsebe ho mamela ka mokgwa wa ba rutwang.

Sakaria 1:13

Jehova a arabela lengeloi le buang le nna ka mantswe a molemo, ka mantswe a matshediso.