Diproverbia 12:24 - Sesotho 1909/1961 (SO)

²⁴ Letsoho la motho ya mahlahahlaha le tla busa; empa ya botswa e tla ba mohlanka wa ba bang.

BIBELE

²⁴ Ya sebetsang ka thata ke yena ya tla busa, empa sekgoba sona se tla fetoha lekgoba.

Diproverbia 12:24 ပူးပေါင်းရင်းမြစ်များ

Genese 49:15

o bone hoba phomolo e monate, le naha hoba ke e kgahlisang; yaba o sekamisetsa lehetla phahlong, a iketsa mofo ya ntshang lekgetho.

1 Marena 11:28

Monna eo, Jeroboame, e ne e le senatla le mohale. Salomone, ha a bona mohlankana eo hobane o sebetsa hantle, a mmea molebedi wa mosebetsi wohle o etswang ke ba ntlo ya Josefa.

1 Marena 12:20

Yare Baiseraele bohle ha ba utlwa hore Jeroboame o boile, ba romela ho mmiletsa phuthehong; teng, ba mmea morena wa Baiseraele bohle, ho se leloko le latetseng ntlo ya Davida, haese la Juda le nnotshi.

1 Marena 9:21

e leng ditloholo tsa bona tse neng di setse naheng, e leng bao bana ba Iseraele ba neng ba sitilwe ho ba timelletsa ruri, Salomone a kgetha makgoba hara bona, le kajeno ke wona.

Diproverbia 10:4

Ya letsoho le botswa o tla fumaneha, empa letsoho la sekgothadi le tla se ruisa.

Diproverbia 12:27

Sekgoba se tswafa le ho phallela phoofolo ya sona; empa ntho tse molemo di ruwa ke batho ba kgothetseng.

Diproverbia 13:4

Pelo ya sekgoba e lakatsa kamehla, leha ho le jwalo, ha se rue letho; empa moya wa sekgothadi o a nona.

Diproverbia 17:2

Mohlanka ya bohlale o tla busa mora e mobe wa monga hae, a je lefa hammoho le bara ba monga hae.

Diproverbia 19:15

Botswa bo dihela motho bodibeng ba boroko, mme moya wa mokokorohi o tla lapa.

Diproverbia 22:13

Motho wa sekgoba o re: Tau e teng kantle, nka bolawa mapatlelong.

Diproverbia 22:29

Na o lemohile motho ya mahlahahlaha mosebetsing wa hae? O tla ema pela marena, a ke ke a ema pela bao e leng batho feela.

Baahlodi 1:28

Eitse hobane Baiseraele ba iphe matla, ba ntshisa Bakanana lekgetho, ba mpa ba se ke ba ba lelekela ruri.