Diproverbia 12:23 - Sesotho 1909/1961 (SO)

²³ Ya masene o ipolokela tsebo; empa pelo tsa mawatla di tumisa bohlanya ba wona.

BIBELE

²³ Mohlalefi ha a boledisake tsebo ya hae, sethoto sona se pepesa bothoto ba sona.

Diproverbia 12:23 ပူးပေါင်းရင်းမြစ်များ

Nehemia 2:12

Ka ntoo tloha bosiu ke ena le batho ba seng bakae, hobane ke ne ke sa ka ka bolella motho seo Modimo wa ka o se beileng pelong ya ka hore ke se etsetse Jerusalema; hape ho ne ho se pelesa e nngwe ho nna haese pelesa eo ke neng ke e palamile.

Nehemia 2:16

Mahosana a ne a sa tsebe moo ke ileng, le seo ke se etsang; ke ne ke eso ho bolelle Bajuda, leha e le baprista, le baholo, le mahosana, le ba bang ba sebetsang mosebetsi.

Diproverbia 10:14

Ba hlalefileng ba ipokellela tsebo, empa molomo wa mawatla o fehla tshenyeho.

Diproverbia 10:19

Dipolelong tse ngata, tshito ha e hlokwe; ka baka leo, ya itshwarang molomo o bohlale.

Diproverbia 11:13

Ya tjhakelang ho qoqa o phunya makunutu; empa ya pelo e tshepehang o boloka taba.

Diproverbia 13:16

Motho ya masene o etsa tsohle ka tsebo; empa ya lewatla o tsebahatsa bowatla ba hae.

Diproverbia 14:33

Bohlale bo ikahetse ka pelong ya motho ya masene; empa bohare ba mawatla bo a itshenola.

Diproverbia 15:2

Molomo wa ya bohlale o hlahisa tsebo hamonate; empa molomo wa mawatla o kolla bohlanya.

Diproverbia 18:2

Se kgahlisang lehlanya hase ho rua hlalefo, empa e le ho hlahatsa se ka pelong ya lona.

Diproverbia 29:11

Lehlanya le hlahatsa kgalefo ya lona; empa ya bohlale o a e tshwara, o a e kgutsisa.

Moeklesia 10:3

esita leha sethoto se ya ka tsela, se ye se hloke kelello, mme se bolelle bohle hore ke dithoto.

1 Samuele 10:16

Saule a re ho rangwanae: O hlile o re tsebisitse hore diesele di bonwe. Haele taba ya borena, a se ke a mo tsebisa kamoo e kileng ya buwa kateng ke Samuele.