Diproverbia 11:17 - Sesotho 1909/1961 (SO)

¹⁷ Motho ya molemo o etsetsa moya wa hae molemo; empa ya lonya o itshenya mmele.

BIBELE

¹⁷ Monna ya mohau o iketsetsa tse molemo, athe ya sehloho yena o a itshitelwa.

Diproverbia 11:17 ပူးပေါင်းရင်းမြစ်များ

Jobo 20:16

O antse mahloko a marabe, mme leleme la qowane le tla mmolaya.

Diproverbia 15:27

Ya ineelang leruo le sa lokang o sotofatsa ntlo ya hae; haele ya hloileng dimpho tse hokang, o tla phela.

Diproverbia 22:9

Motho ya fanang o tla hlohonolofatswa, kahobane o sitsa mofutsana ka bohobe ba hae.

Moeklesia 4:8

Ke motho ya dutseng a nnotshi, ya se nang wa bobedi ho yena, ya se nang leha e le mora, leha e le ngwanabo; leha ho le jwalo, mokgathala wa hae ha o fele, le wona mahlo a hae ha a kgore moruo ... Ke ikgathaletsa mang, mme ke tima moya wa ka lehlohonolo ka baka la mang? Hoo le hona ke lefeela, ke mokgathala o bohloko.

Isaia 57:1

Motho ya lokileng o a timela, mme ha ho ya lemohang teng; batho ba molemo ba tloswa, mme ha ho ya lemohang hobane ya lokileng o tloswa, bobe bo eso ho hlahe.

Daniele 4:27

Ha ho le jwalo, morena keletso ya ka e amohelwe ke wena, o lopolle dibe tsa hao ka ho etsa ka ho loka, le bokgopo ba hao ka ho hauhela bafumanehi, mohlomong ekaba o tla lelefatsa katleho ya hao kahona.

Mattheu 5:7

Ho lehlohonolo ba mohau; hobane ba tla hauhelwa.

Luka 6:38

fanang, mme le tla fuwa; le tla felwa sefubeng ka tekanyo e kgolo, e hlohlilweng, e katilweng, e tsholohang; hobane tekanyo eo le lekanyang ka yona, le tla lekanngwa ka yona le lona.

BaFilipi 4:17

Hase hoba ke batla dimpho, empa ke batla ditholwana tse ka le atelang ho le ruisa.

Jakobo 2:13

Hobane kahlolo e ke ke ya eba le mohau ho ya sa etsang ka mohau; empa mohau o ithorisa hodima kahlolo.