Diproverbia 10:7 - Sesotho 1909/1961 (SO)

⁷ Ho hopolwa ha mofu ya lokileng ke lehlohonolo, empa lebitso la e mobe le tla bola.

BIBELE

⁷ Ho hopolwa ha mofu ya lokileng ho lehlohonolo, empa bitso la ya kgopo le ke ke la hopolwa.

Diproverbia 10:7 ပူးပေါင်းရင်းမြစ်များ

1 Marena 11:36

Haele mora hae, ke tla mo nea leloko le le leng, hore mohlanka wa ka, Davida, a nne a be le lebone le tukang kamehla pela ka Jerusalema, motse oo ke ikgethetseng wona ho bea lebitso la ka ho wona.

2 Marena 19:34

Hobane ke tla sireletsa motse ona, ke o pholose ka baka la ka le la Davida, mohlanka wa ka.

2 Dikronike 24:16

A patwa tlung ya Davida hara marena; hobane a ne a etseditse Iseraele le Modimo le ntlo ya wona molemo.

2 Dikronike 32:33

Esekiase a orohela ho bontatae, mme a patwa lebitleng le kahodimo la bana ba Davida, mme Bajuda bohle le baahi ba Jerusalema ba mo hlompha ho shweng ha hae; mme Manasse, mora wa hae, ya eba morena tulong tsa hae.

Jobo 18:17

Ha a sa hopolwa lefatsheng, lebitso la hae ha le sa bolelwa mapatlelong.

Jobo 24:20

Ba lebalwa ke mpa e ba belehileng; ba etswa matlatlo a diboko; ha ba sa hopolwa. Molotsana o tloswa jwaloka sefate se omeletseng;

Jobo 27:23

batho ba opa diatla ka yena, ba mo letsetsa molodi ha a tloha tulong tsa hae.

Dipesaleme 109:13

Ditloholo tsa hae di ke di timetswe, lebitso la hae le timele molokong o hlahlamang.

Dipesaleme 109:15

di mpe di ke di be pela Jehova kamehla, a fedise ho hopola ha bona lefatsheng!

Dipesaleme 112:6

Hobane a ke ke a sisinngwa le ka mohla o le mong, ya lokileng o tla hopolwa ka ho sa yeng kae.

Dipesaleme 34:16

Sefahleho sa Jehova se tjamela ba bolotsana ho tlosa ho hopolwa ha bona lefatsheng.

Dipesaleme 34:17

Ba lokileng ha ba howa, Jehova o a ba utlwa, o ba imolla matswalong a bona kaofela.

Dipesaleme 41:5

Bao e leng dira ho nna ba ntsheba ka dipolelo tsa bolotsana, ba re: O tla shwa neng, lebitso la hae le tla fela neng?

Diproverbia 22:1

Botumo bo fetisa maruo a maholo, hlompheho le yona e fetisa silefera le kgauta.

Moeklesia 8:10

Ka bona ha ba bolotsana ba patwa, athe ba etsang hantle ba ne ba tloha, ba ya hole le nqalo e halalelang, ba ba ba lebalwa ke ba hae. Hoo le hona ke lefeela.

Isaia 14:22

Hobane ke tla tloha ke ba lwantshe, ho bolela Jehova wa makgotla; ke tla fedisa lebitso la Babilona, le ho setseng ha hae, lekala le lehlomela, ho bolela Jehova.

Jeremia 17:13

Tshepo ya Iseraele, Jehova ba o hlobohang kaofela ba ya hlabiswa dihlong. Ba nkwenehelang ba tla ngolwa lefatsheng, hobane ba hlobohile sediba sa metsi a phedisang, e leng nna Jehova.

Mareka 14:9

Kannete ke re ho lona: Hohle lefatsheng moo Evangeli ena e tla bolelwa teng, se entsweng ke yena le sona se tla bolelwa, a tle a hopolwe ka sona.

Luka 1:48

hobane o tadimile bofutsana ba lekgabunyane la hae; mme jwale, meloko yohle e tla re, ke lehlohonolo,