Diproverbia 10:4 - Sesotho 1909/1961 (SO)

⁴ Ya letsoho le botswa o tla fumaneha, empa letsoho la sekgothadi le tla se ruisa.

BIBELE

⁴ Ya phuthileng matsoho o tla futsaneha, athe matsoho a kgothetseng a ruisa monga wona.

Diproverbia 10:4 ပူးပေါင်းရင်းမြစ်များ

Genese 26:32

Ka lona tsatsi leo, bahlanka ba Isaaka ba tla, ba mo tsebisa taba ya sediba seo ba neng ba ntse ba se tjheka, ba re ho yena: Re fumane metsi.

Diproverbia 10:5

Ya bokellang lehlabula ke ngwana ya bohlale; empa ya robalang ha ho kotulwa, ke ngwana ya hlabisang dihlong.

Diproverbia 11:24

E mong o a fana athe o ntse a atelwa ke dintho; e mong o a konana, mme o fetoha mofumanehi.

Diproverbia 12:24

Letsoho la motho ya mahlahahlaha le tla busa; empa ya botswa e tla ba mohlanka wa ba bang.

Diproverbia 12:27

Sekgoba se tswafa le ho phallela phoofolo ya sona; empa ntho tse molemo di ruwa ke batho ba kgothetseng.

Diproverbia 13:4

Pelo ya sekgoba e lakatsa kamehla, leha ho le jwalo, ha se rue letho; empa moya wa sekgothadi o a nona.

Diproverbia 18:9

Ya tshwarang mosebetsi wa hae ka monyebe, ke ngwanabo lehlaswa.

Diproverbia 19:15

Botswa bo dihela motho bodibeng ba boroko, mme moya wa mokokorohi o tla lapa.

Diproverbia 19:24

Sekgoba se kenya letsoho lefisong, empa se tswafa le ho le isa molomong.

Diproverbia 20:13

Se rate boroko, esere mohlomong wa fumaneha; phaphama, o tutubolohe, mme o tla kgora bohobe.

Diproverbia 20:4

Sekgoba ha se leme, hoba se hatsetse; mohla ho kotulwang, se a kopa, empa ha ho letho.

Diproverbia 21:5

Merero ya motho ya mahlahahlaha e isa kgoreng; empa ya potlakang o tla wela bofumeng.

Moeklesia 10:18

Difate tse ferileng ntlo di wa ka baka la botswa ba matsholo a e ferileng, mme ntlo e nela ka baka la matsoho a tswafang ho sebetsa.

Johanne 6:27

Se sebeletseng dijo tse felang, empa le sebeletse dijo tse tla ba teng le bophelong bo sa feleng, tseo le tla di fuwa ke Mora motho: hobane ke yena eo Ntate, e leng Modimo, a mo tshwaileng.

1 Bakorinthe 15:58

Ka baka leo, banabeso ba ratwang, tiyang matla, le se ke la sisinyeha, mme le nne le eketse kamehla ho sebeletsa Morena, le ntse le tseba hobane mosebetsi wa lona e ke ke ya eba wa lefeela Moreneng.