Diproverbia 10:28 - Sesotho 1909/1961 (SO)

²⁸ Tshepo ya ya lokileng e tla fetoha thabo, empa tebello ya motho ya sa lokang e tla timela.

BIBELE

²⁸ Letshepa la ba lokileng le hlahisa thabo, athe la ba kgopo lona le a nyamela.

Diproverbia 10:28 ပူးပေါင်းရင်းမြစ်များ

Jobo 11:20

Empa mahlo a ba bolotsana a tingwa, ba hloka setshabelo; tshepo e ba saletseng ke ho neela moya.

Jobo 8:13

Tsela ya e mong le e mong ya lebalang Modimo e jwalo, tebello ya ya se nang borapedi e a fela;

Dipesaleme 112:10

E mobe o tla bona hoo, a hlokofale ke hona; o tla tsikitlanya meno, a omelle. Ditakatso tsa ba babe di tla etswa lefeela.

Dipesaleme 16:9

Pelo ya ka e thabile ke hona, moya wa ka o nyakaletse, le yona nama ya ka e tla phomola ka tshepo;

Dipesaleme 68:4

Binelang Modimo, le roke lebitso la wona! Batelletsang ya kaletseng lefeelleng tsela! Jehova ke lebitso la hae; itumeleng pela hae.

Diproverbia 11:23

Seo motho ya lokileng a se dumang ke botle ruri; empa seo ba babe ba ka se tshepang ke kgalefo feela.

Diproverbia 11:7

Mohla ho shwang e mobe, tshepo ya hae e a timela, le yona tebello ya ya sa lokang e a fela.

Diproverbia 14:32

Moetsadibe o kgoholwa ke bobe ba hae; empa motho ya lokileng o na le tshepo le lefung.

Diproverbia 29:6

Sebeng sa motho e mobe sefi se teng; empa ya lokileng o a bine, o a thabe.

Baroma 12:12

Thabelang tshepong, le mamelle matshwenyehong, le tiye thapelong.

Baroma 15:13

Jwale, Modimo wa tshepo o le tlatse ka thabo yohle le ka kgotso yohle tumelong, tshepo ya lona e tle e ekeletswe ka matla a Moya o Halalelang.

Baroma 5:2

e leng yena eo hape re boneng ka yena, ka tumelo, katamelo mohaung ona, oo re emeng ho wona, mme re ithorisetsa tshepong ya kganya ya Modimo.

2 BaThesalonika 2:16

Mme Morena wa rona Jesu Kreste, yena ka sebele, le Modimo, Ntata rona, o re ratileng, o re fileng ka mohau wa wona tshediso e sa feleng le tshepo e molemo,