Diproverbia 10:27 - Sesotho 1909/1961 (SO)

²⁷ Ho tshaba Jehova ho atisa ditshiu, empa dilemo tsa moetsadibe di tla kgutsufatswa.

BIBELE

²⁷ Ho tshaba Morena ho lelefatsa phelo ba motho, empa lemo tsa ba kgopo di tla kgutsufatswa.

Diproverbia 10:27 ပူးပေါင်းရင်းမြစ်များ

Dipesaleme 21:4

A nna a o kopa bophelo, mme wa mo fa jona, e le bophelo bo bolelele, bo tiileng, bo sa feleng.

Dipesaleme 55:23

Hobane wena, Modimo, o tla ba dihela tlasetlase sehokong; batho bao ba madi, ba tletseng mano, ba ke ke ba phela ho fihlela lehare la matsatsi a bona. Empa nna, ke beile tshepo ya ka ho wena.

Dipesaleme 91:16

Ke tla mo kgorisa ka matsatsi a mangatangata, ke mmontshe poloko ya ka.

Dipesaleme 92:15

ba tle ba bolele hoba Jehova o lokile. Ke yena lefika la ka, mme ha ho bokgopo ho yena.

Diproverbia 14:27

Ho tshaba Jehova ke sediba sa bophelo, ho qobisa batho mamena a lefu.

Diproverbia 28:18

Ya tsamayang ho lokeng o tla bolokeha; empa ya kgopo, ya yang ka tsela tse pedi, o tla wela ho e nngwe.

Diproverbia 3:16

Bo kakatletse bolelele ba ditshiu letsohong le letona, le menono le boholo letsohong le letshehadi.

Diproverbia 3:2

mme o tla ekelletswa ke tsona ditshiu, le dilemo, le ho phela, le kgotso.

Diproverbia 9:11

Hobane ke ka nna ditshiu tsa hao di tla atiswa, dilemo tsa ho phela ha hao di lelefatswe.

Moeklesia 7:17

O se ke wa iketsa e mobe ka ho fetisisa, o se ke wa ipea lewatla; hobane ke ha o ne o tla shwelang, e eso ho be nako ya hao?

Jeremia 17:11

Ya bokellang maruo ka ho se loke, ke kgwale e alamang se sa beweng ke yona; mahareng a ditshiu tsa hae o ya a tlohela, ho feleng ha hae e tla ba lewatla.

Luka 12:20

Empa Modimo wa re ho yena: Lewatla towe! Ka bosiu bona, moya wa hao o tla latwa ho wena; mme dintho tseo o di lokisitseng, e tla ba tsa mang na?

Deuteronoma 11:9

mme le atise matsatsi a lona lefatsheng le kollang lebese le dinotshi, leo Jehova a anetseng bontata lona hore o tla le fa bona le ditloholo tsa bona.