Diproverbia 10:20 - Sesotho 1909/1961 (SO)

²⁰ Leleme la ya lokileng ke silefera e hlwekileng; empa pelo ya e mobe ke lefeelafelane.

BIBELE

²⁰ Polelo tsa ya lokileng ke silefera e hlwekisitsweng, pelo ya ya kgopo ha e na thuso.

Diproverbia 10:20 ပူးပေါင်းရင်းမြစ်များ

Genese 6:5

Jehova a bona bolotsana ba batho hoba bo boholo lefatsheng, le hoba mmopo wa mehopolo yohle ya dipelo tsa bona o mobe feela ka matsatsi wohle.

Genese 8:21

Jehova a fofonela monko o monate, mme Jehova a re ka pelong ya hae: Nke ke ka boela ka rohaka lefatshe ka baka la batho, etswe mehopolo ya motho e le mebe le botjheng ba hae, mme nke ke ka boela ka otla dintho tsohle tse utlwang, jwalokaha ke tswa etsa.

Dipesaleme 37:30

Molomo wa ya lokileng o ntsha mantswe a hlalefileng, leleme la hae le bolela ho loka;

Diproverbia 12:18

E mong ha a bebera, puo tsa hae di hlaba jwaloka tsenene, empa molomo wa ya bohlale o a thoba.

Diproverbia 15:4

Molomo o motle ke sefate sa bophelo; haele o kgopo, o sohlokanya moya.

Diproverbia 16:13

Marena a kgahliswa ke melomo e metle, a rata ba buang ka ho loka.

Diproverbia 20:15

Kgauta e teng, le diperela tse ngata, empa ntho e theko e thata ke melomo e rutehileng.

Diproverbia 23:7

Hobane kamoo le nahanang pelong ya lona kateng, le jwalo. Le tla re ho wena: Ja, o nwe; empa pelo ya lona ha e ho wena.

Diproverbia 8:19

Tholwana ya ka e monate ho fetisa kgauta, leha e ka ba kgauta e hlwekileng; tse kotulwang ho nna di feta silefera e hlwekileng.

Jeremia 17:9

Pelo e mano ho fetisa tsohle, e bodile hampe; e ka tsejwa ke mang?