Diproverbia 10:17 - Sesotho 1909/1961 (SO)

¹⁷ Ya elellwang tayo o tshwere tsela ya bophelo, empa ya hanang nyatso o a lahleha.

BIBELE

¹⁷ Ya mamelang ha a kgalengwa o tseleng ya bophelo, empa ya sa mameleng, yena o a kgeloha.

Diproverbia 10:17 ပူးပေါင်းရင်းမြစ်များ

2 Dikronike 25:16

A re a sa bua, morena a re ho yena: Na re o entse neng moeletsi wa morena? Tloha! O ratelang ho otlwa? Yaba moporofeta o tloha, a re: Ke tseba hoba Modimo o rerile ho o timetsa, kahobane o entse hoo, mme o sa ka wa mamela keletso ya ka.

Diproverbia 1:30

ba hanne keletso ya ka, ba nyedisitse kgalemelo tsohle tsa ka;

Diproverbia 12:1

Ya ratang tayo o rata tsebo; haele ya hloileng kgalemelo, ke sethoto.

Diproverbia 15:10

Tayo e bohloko ho ya kgelohileng tsela, mme ya e hloileng o tla timela.

Diproverbia 15:32

Ya hanang tayo o nyedisa moya wa hae; empa ya mamelang kgalemelo o rua bohlale.

Diproverbia 29:1

Motho ya ntseng a kgalemelwa hangata, mme a itshatalatsa molala, o tla robeha hanghang, ho se le sehlare.

Diproverbia 3:18

Ke sefate sa bophelo ho ba bo ruileng, ba bo lotolotsang ba na le lehlohonolo.

Diproverbia 4:13

Tshwara tayo ka matla, o se ke wa e lesa ya phonyoha, o e boloke, hobane ke bophelo ho wena.

Diproverbia 4:4

ntate o ne a nthuta, a re ho nna: Pelo ya hao e boloke dipolelo tsa ka hantle, o lotolotse dikeletso tsa me, mme o tla phela.

Diproverbia 5:12

wa re: Na ke ne ke hane tayo jwang? Pelo ya ka e ne e hloetseng kgalemelo na?

Diproverbia 5:14

Jo! ke batlile ke wela bobeng bo fetisisang hara bongata ba batho le phutheho.

Diproverbia 6:23

Hobane keletso ke lebone, thuto ke lesedi, mme dikgalemelo tsa tayo ke tsela ya bophelo;

Moeklesia 5:6

O se ke wa lesela molomo wa hao ho o isa, o se ke wa bolela pela lenqosa la Modimo, wa re: Ke ne ke bua feela! esere Modimo wa halefela lentswe la hao, wa senyetsa mosebetsi wa matsoho a hao.

Luka 11:28

A mpa a re: E, empa haholo ho lehlohonolo ba utlwang lentswe la Modimo, mme ba le boloka.

BaHebheru 12:25

Iponeleng, le se ke la nyedisa ya buang le lona; hobane ba nyedisitseng ya neng a bua le bona a le lefatsheng, ha ba sa ka ba phonyoha, haholoholo rona re ka phonyoha jwang ha re furalla ya buang le rona a le mahodimong?

BaHebheru 2:1

Ka baka leo, e ka kgona re ele ka ho fetisisa ditaba tseo re di utlwileng hloko, esebe ra suthela hole le tsona.

Baahlodi 19:17

Eitse ha a emisa mahlo, a bona monna wa moeti lepatlelong la motse; yaba monna eo ya tsofetseng o re ho yena: O ya kae?