Diproverbia 10:14 - Sesotho 1909/1961 (SO)

¹⁴ Ba hlalefileng ba ipokellela tsebo, empa molomo wa mawatla o fehla tshenyeho.

BIBELE

¹⁴ Ba bohlale ba ipokellela tsebo, empa polelo tsa sethoto di isa timelong.

Diproverbia 10:14 ပူးပေါင်းရင်းမြစ်များ

Diproverbia 1:5

Ya bohlale a utlwe, mme o tla eketsa tsebo; ya hlalefileng le yena o tla ithuela masene,

Diproverbia 10:10

Ya bonyang ka mahlo o a ferekanya; ya molomo o bosawana o ya timelong.

Diproverbia 10:8

Motho ya pelo e hlalefileng o utlwa keletso, empa ya beberang tsa bosawana o tla dihelwa.

Diproverbia 12:23

Ya masene o ipolokela tsebo; empa pelo tsa mawatla di tumisa bohlanya ba wona.

Diproverbia 13:3

Ya itebelang molomo o boloka moya wa hae; empa ya ntseng a bua haholo o tla wela timelong.

Diproverbia 17:20

Ya pelo e kgopo a ke ke a fumana lehlohonolo, mme ya leleme le kgopameng o tla wela bobeng.

Diproverbia 18:1

Motho ya ikgethang ho ba bang o batla ho ikgahlisa yena a nnotshi; kgalefong ya hae o soma tsohle tsa bohlale.

Diproverbia 18:15

Pelo ya motho ya nang le kelello e rua tsebo, tsebe tsa ba bohlale di sela yona.

Diproverbia 18:7

Molomo wa lehlanya ke tshenyeho ya lona, leleme la lona ke sefi ho moya wa lona.

Diproverbia 19:8

Ya ithuetseng bohlale o rata moya wa hae, ya bolokang kelello o tla bona lehlohonolo.

Diproverbia 21:23

Ya ipolokang molomo le leleme o tshabisa moya wa hae mahlomola.

Diproverbia 9:9

Ruta ya nang le kelello, o tla eketsa ho hlalefa. O rute ya lokileng, o tla ekelletswa tsebo.

Moeklesia 10:12

Mantswe a tswang molomong wa ya bohlale a kgahlisa kahohle, empa melomo ea lewatla e a le timetsa.

Mattheu 12:35

Motho ya molemo o ntsha dintho tse molemo letlotlong le molemo la pelo ya hae; mme motho ya lonya o ntsha dintho tse lonya letlotlong le lonya la pelo ya hae.

Mattheu 13:44

Hape, mmuso wa mahodimo o jwaloka letlotlo le patilweng tshimong, leo eitseng hobane motho a le fumane, a boela a le pata; mme ka baka la ho le thabela, o rekisa ka ntho tsohle tseo a nang le tsona, o ithekela tshimo eo.

Mattheu 13:52

A re ho bona: Ke moo ke reng: Mongodi e mong le e mong, ya rutilweng tsa mmuso wa mahodimo, o jwaloka motho eo e leng monga ntlo, ya ntshang dintho tse ntjha le dintho tsa kgale letlotlong la hae.