Dipesaleme 97:4 - Sesotho 1909/1961 (SO)

⁴ Mahadima a hae a kganyetsa lefatshe; lefatshe le a a bona, le a thothomela.

BIBELE

⁴ Mahadima a hae a bonesa lefatshe; lefatshe le a bona, mme le a thothomela.

Dipesaleme 97:4 ပူးပေါင်းရင်းမြစ်များ

Jobo 37:3

O le utlwahatsa hohle sebakeng sa lehodimo, o betsa mahadima a wona ho isa pheletsong tsa lefatshe.

Jobo 9:6

O sisinya lefatshe motheong wa lona, ditshiya tsa lona di a tlakasela.

Dipesaleme 104:32

O tadima lefatshe, le thothomele; o ama dithaba, di thunye mosi.

Dipesaleme 114:7

Wena lefatshe, o ke o thothomele pela sefahleho sa Morena, pela sefahleho sa Modimo wa Jakobo,

Dipesaleme 77:18

diaduma tsa hao tsa duma hara setsokotsane, mahadima a hao a bonesa lefatshe; lefatshe la tshoha, la reketla.

Dipesaleme 77:19

Wa iketsetsa tsela lewatleng, mmila metsing a maholo, mehlala ya hao ha e a ka ya tsejwa.

Dipesaleme 96:9

Kgumamang pela Jehova ka bokgabane bo halalelang. Le thothomele pela hae, lona baahi bohle ba lefatshe!

Jeremia 10:10

Empa Jehova ke Modimo wa nnete, ke Modimo o phelang, ke Morena wa kamehla le mehla; lefatshe le sisinyeha ke kgalefo ya wona, ditjhaba di ke ke tsa ema pela bohale bo tjhesang ba wona.

Tshenolo 11:19

Mme tempele ya Modimo ya bulwa lehodimong, mme areka ya selekane sa wona ya bonahala tempeleng ya wona; mme ha hlaha mahadima, le mantswe, le diaduma, le tshisinyeho ya lefatshe, le sefako se seholo.

Tshenolo 19:11

Yaba ke bona lehodimo le bulwa, mme ha hlaha pere e tshweu, mme ya e kaletseng o bitswa Motshepehi le Wa nnete; o ahlola, o lwana ka ho loka.