Dipesaleme 91:16 - Sesotho 1909/1961 (SO)

¹⁶ Ke tla mo kgorisa ka matsatsi a mangatangata, ke mmontshe poloko ya ka.

BIBELE

¹⁶ Ke tla mo sitsa ka ditshiu tse telele, ke mmontshe ho pholosa ha ka.”

Dipesaleme 91:16 ပူးပေါင်းရင်းမြစ်များ

Genese 25:8

Abrahama a neela moya, a shwa botsofading bo botle, a hodile ho kgodisang; mme a orohela setjhabeng sa habo.

Jobo 5:26

O tla orohela lebitleng la hao ka botsofadi bo botala, jwaloka ngata ya koro, ha e thothwa nakong ya teng.

Dipesaleme 16:11

O tla ntsebisa tsela ya bophelo. Kgora ya thabo e teng pela hao, le dinyakallo tse sa feleng tsohong la hao le letona.

Dipesaleme 21:4

A nna a o kopa bophelo, mme wa mo fa jona, e le bophelo bo bolelele, bo tiileng, bo sa feleng.

Dipesaleme 50:23

Ya ntlhabelang sehlabelo sa diteboho ke yena ya ntlotlisang; e mong le e mong ya lokisang tsela ya hae, ke tla mmontsha poloko ya Modimo.

Diproverbia 10:27

Ho tshaba Jehova ho atisa ditshiu, empa dilemo tsa moetsadibe di tla kgutsufatswa.

Diproverbia 22:4

Moputso wa boikokobetso le wa ho tshaba Jehova ke leruo, le kganya, le bophelo.

Diproverbia 3:16

Bo kakatletse bolelele ba ditshiu letsohong le letona, le menono le boholo letsohong le letshehadi.

Diproverbia 3:2

mme o tla ekelletswa ke tsona ditshiu, le dilemo, le ho phela, le kgotso.

Isaia 45:17

Iseraele o lopolotswe ke Jehova ka topollo ya kamehla yohle! Le ke ke la hlabiswa dihlong, leha e le ho swaba mehleng yohle.

Luka 2:30

hobane mahlo a ka a bone poloko ya hao,

Luka 3:6

mme nama yohle e bone poloko ya Modimo.

Deuteronoma 6:2

o tle o tshabe Jehova, Modimo wa hao, ka ho boloka melao ya hae yohle, le ditaelo tsa hae tsohle, tseo ke o laelang tsona, hore o di boloke, e le wena, le mora wa hao, le mora wa mora wa hao, ka ditshiu tsohle tsa ho phela ha hao, matsatsi a hao a tle a ngatafale.