Dipesaleme 86:14 - Sesotho 1909/1961 (SO)

¹⁴ Oho Modimo, baikakasi ba mpokanetse, letshwele la batho ba tshabehang le batla bophelo ba ka; ha ba ka ba o bea pela mahlo a bona.

BIBELE

¹⁴ Modimo, baikakasi ba ntsohetse matla, sehlopha sa ba sehloho se batla bophelo ba ka, ha ba na taba le wena.

Dipesaleme 86:14 ပူးပေါင်းရင်းမြစ်များ

2 Samuele 16:20

Ebile Absalome o re ho Akitofele: Eletsanang e le lona hore na e ka kgona re etse jwang?

2 Samuele 17:14

Yaba Absalome le Baiseraele bohle, ba re: Keletso ya Hushai Moarke e ntle haholo ho fetisa keletso ya Akitofele. Athe ke Jehova ya neng a laetse hore ho senngwe keletso e ntle ya Akitofele, e le hore Jehova a hlahisetse Absalome kotsi.

Dipesaleme 10:11

Pelong ya hae o re: Modimo o a lebala, o patile sefahleho sa wona, ha o tadime le ka mohla o le mong!

Dipesaleme 10:13

Na ya kgopo o nyedisetsang Modimo, ha a re pelong ya hae: Ha o batlisise?

Dipesaleme 10:4

Molotsana, boikgantshong ba hae, o re: A ke ke a botsisisa; ha ho Modimo! Ke yona kgopolo ya hae kaofela ha yona.

Dipesaleme 119:51

Baikakasi ba tsheha ka nna haholoholo, empa ha ke kgelohe molao wa hao.

Dipesaleme 119:69

Baikakasi ba nketselletsa ka leshano; empa nna, ke boloka ditemoso tsa hao ka pelo ya ka yohle.

Dipesaleme 119:85

Baikgohomosi ba ntjhekela mamena, e leng ba sa yeng ka molao wa hao.

Dipesaleme 14:4

Na bakgopo bao kaofela ba hloka tsebo keng? Ba ja setjhaba sa ka jwalokaha ho jewa bohobe. Ha ba rapele Jehova.

Dipesaleme 140:5

Baikakasi ba mpatetse mamena le maraba, ba tjheha difi mosikong wa tsela, ba ntjhehetse mamena. (Sela.)

Dipesaleme 36:1

E mobe o mamela bolotsana pelong ya hae, ho tshaba Jehova ha ho yo pela mahlo a hae;

Dipesaleme 36:11

Leoto la boikgohomoso le se ke la nkgatakela, letsoho la ba babe le se ke la mpalehisa!

Dipesaleme 54:3

Hobane basele ba ntsohela matla, batho ba sehloho ba batla bophelo ba ka; ha ba ka ba bea Modimo pela mahlo a bona. (Sela.)

Dipesaleme 54:5

O tla dihela hodima bao e leng dira ho nna bolotsana ba bona. O ke o ba qete, botshepehing ba hao!

Ezekiele 8:12

A re ho nna: Mora motho, na o bone seo baholo ba ntlo ya Iseraele ba se etsang lefifing, e mong le e mong phaposing ya ditshwantsho tsa hae? Hobane ba re: Jehova ha a re bone, Jehova o furaletse lefatshe lena.

Ezekiele 9:9

A re ho nna: Bokgopo ba ntlo ya Iseraele le ba ya Juda bo boholo haholoholo, lefatshe le tletse madi a tsholotsweng, mme motse o tletse lonya, hobane ba re: Jehova o furaletse lefatshe lena, Jehova ha a bone.