Dipesaleme 84:1 - Sesotho 1909/1961 (SO)

¹ Meaho ya hao e rateha hakakang, wena, Jehova wa makgotla!

BIBELE

¹ Pesalema ya bara ba Kora. Taelo ho motsamaisi wa dibini: E binwe ka setolotolo.

Dipesaleme 84:1 ပူးပေါင်းရင်းမြစ်များ

1 Marena 22:19

Mikea a re: Mamela polelo ya Jehova ke hona; Ke bone Jehova a dutse teroneng ya hae, le makgotla wohle a mahodimo a eme pela hae ka ho le letona le ho le letshehadi.

Nehemia 9:6

Ke wena Jehova o nnotshi; ke wena ya entseng mahodimo, mahodimo a mahodimo le makgotla wohle a wona, lefatshe le tsohle tse ho lona, mawatle le tsohle tse ho wona; ke wena ya phedisang ntho tseo tsohle; makgotla a mahodimo a ntse a kgumama pela hao.

Dipesaleme 122:1

Ka thaba ha ba itse ho nna: A re yeng ka tlung ya Jehova!

Dipesaleme 132:5

ha ke eso ho bonele Jehova nqalo, le Modimo o matla wa Jakobo tabernakele.

Dipesaleme 27:4

Ntho e teng eo ke e kopang ho Jehova, eo ke ratang ho e bona, ke hobane ke dule ka tlung ya Jehova ka ditshiu tsohle tsa bophelo ba ka, ke tle ke bohe bokgabane ba Jehova, ke lekodisise tempele ya hae.

Dipesaleme 36:8

ba kgora ke nala ya ntlo ya hao, o ba nosa dinokeng tsa menate ya hao.

Dipesaleme 42:1

Jwaloka kgama ha e tsetselela metsi a melatswana, ho jwalo le moya wa ka, o tsetselela wena, Modimo!

Dipesaleme 43:3

Romela lesedi la hao le nnete ya hao, di tle di ntsamaise, di nkise thabeng e kgethehileng ya hao, le meahong ya hao,

Dipesaleme 8:1

Jehova, Morena wa rona, lebitso la hao le bokgabane hakakang lefatsheng lohle, wena ya beileng kganya ya hao mahodimong!

Dipesaleme 81:1

Utlwahatsang difela tsa lona ho Modimo oo e leng matla a rona, le mehoo ya lona ya nyakallo ho Modimo wa Jakobo!