Dipesaleme 71:15 - Sesotho 1909/1961 (SO)

¹⁵ Molomo wa ka o tla bolela ho loka ha hao le poloko ya hao ka matsatsi wohle, hobane ha ke tsebe palo ya ditshitso tsa hao.

BIBELE

¹⁵ Molomo wa ka o tla bolela tsa ho loka, o bolele tsa ho loka ha hao, le tsa ho pholosa ha hao kamehla, le hoja nke ke ka tseba ho di bala.

Dipesaleme 71:15 ပူးပေါင်းရင်းမြစ်များ

1 Dikronike 16:23

Binelang Jehova, lona mafatshe wohle; le bolele poloko ya hae ka matsatsi wohle.

Dipesaleme 145:2

Ke tla o boka ka matsatsi wohle, ke rorise lebitso la hao kamehla le mehla, le ka ho sa feleng.

Dipesaleme 30:12

Wa ba wa fetola dikgapa tsa ka nyakallo, wa lokolla lesela la ka le mahwashe, wa ntlama ka senyepa sa thabo, pelo ya ka e tle e o binele, e se ke ya kgutsa. Jehova, Modimo wa ka, ke rata ho o rorisa ka ho sa feleng.

Dipesaleme 35:28

Mme leleme la ka le tla tumisa ho loka ha hao le dithoko tsa hao ka matsatsitsatsi.

Dipesaleme 40:12

Hobane ke teetswe hare ke dimpe tse sa balweng; ditlolo tsa ka di ntshwere, ke tshaba ho di bona; di ngata ho feta diqoba tsa moriri wa hlooho ya ka, ke fellwa ke pelo.

Dipesaleme 40:5

Jehova, Modimo wa ka, e kgolo hakakang palo ya mehlolo le ya merero eo o re etseditseng yona! Ha ho ya ka e lokodisang pela hao; leha ke rata ho e bolela le ho e bala, e be e fete palo.

Dipesaleme 40:6

Ha o rate mahlabelo, leha e le dinyehelo; ke moo o ntokisitseng ditsebe; ha o kgahliswe ke ditjheso le mahlabelo a sebe.

Dipesaleme 51:16

hobane ha o rate mahlabelo; hola ha ho jwalo, nka be ke a ntshitse; le ditjheso ha o kgahliswe ke tsona.

Dipesaleme 71:24

le lona leleme la ka le tla bolela ho loka ha hao ka matsatsi wohle; hobane ba batlang tahleho ya ka ba apesitswe ke dihlong le nyediso.

Dipesaleme 71:8

Molomo wa ka o tletse dithoko tsa hao, ke ntse ke o rorisa ka matsatsi wohle!

Dipesaleme 73:28

Empa haele nna, ho ba haufi le Modimo, ke molemo ho nna; ke beile setshabelo sa ka ho Morena Jehova, ke tle ke tsebe ho bolela mesebetsi ya hao kaofela.

Dipesaleme 89:16

se ithabisa kamehla ka lebitso la hao, se ithorisa ka ho loka ha hao.

Diproverbia 5:2

o tle o ipolokele masene, mme molomo wa hao o boloke tsebo.

Baahlodi 5:11

Moo metsi a kguwang didibeng, ba fulang ka diqha ba ke ba rorise ditshitso tsa Jehova ka mantswe a bona, ditshitso tsa molaodi wa bona Iseraeleng!