Dipesaleme 68:12 - Sesotho 1909/1961 (SO)

¹² Marena a ditjhaba a baleha, a baleha; mme basadi ba disang matlo ba arolelana kgapo.

BIBELE

¹² Morena a ntsha taelo, letshwele la basadi la tlisa molaetsa o reng:

Dipesaleme 68:12 ပူးပေါင်းရင်းမြစ်များ

Eksoda 14:25

A pshemola maoto a makoloi a bona, hore a tsamaiswe ka boima. Yaba Baegepeta ba re: A re baleheleng Baiseraele, hobane Jehova o a ba lwanela, o lwantsha Baegepeta.

Numere 31:27

O arole kgapo habedi; karolo e nngwe o e nee bahlabani ba neng ba ile ntweng, e nngwe o e nee phutheho yohle.

Numere 31:54

Moshe le moprista Eleasare ba nka kgauta ya balaodi ba dikete le ya balaodi ba makgolo, mme ba e tlisa tenteng ya pokano, e tle e be kgopotso ho bana ba Iseraele pela Jehova.

Joshua 10:16

Empa marena ao a mahlano a baleha, a ipata lehaheng la Makkeda.

Joshua 10:42

Marena ao wohle le mafatshe a wona Joshua a a hapa kaofela ka nako e le nngwe, hobane Jehova, Modimo wa Iseraele, a ne a lwanela Baiseraele.

Tshenolo 6:15

Marena a lefatshe, le ba baholo, le barui, le balaodi, le dinatla, le bohle ba ruilweng, le bohle ba sa ruwang, ba ipata mahaheng le mafikeng a dithaba,

Baahlodi 5:19

Marena a tla, a lwana; ha lwana marena a Kanana, pela Thaanake, metsing a Meggido, a mpa a se ke a hapa dintho, leha e le tjhelete.

Baahlodi 5:30

a re: Ha ke re, ba hapile? Ha ke re, ba arolelana kgapo? Monna e mong le e mong o nka morwetsana e mong, kapa ba babedi. Kgapo ya masela a mebalabala ke ya Sisera, kgapo ya masela a mebalabala a lohilweng, masela a lohilweng a le mebalabala hohle, a ho kgabisa molala!

1 Samuele 30:24

Ke mang ya tla le mamela tabeng tseo na? Seabo sa ya yang ntweng se tshwanetse ho lekana le seabo sa letsholakobo, ba hapiswe ka mokgwa o le mong.