Dipesaleme 63:2 - Sesotho 1909/1961 (SO)

² moya wa ka o nyoretswe wena, nama ya ka e tsetselela wena, naheng ena e tshehla, e feelleng, e se nang metsi.

BIBELE

² Modimo, ke wena Modimo wa ka, Modimo eo ke mmatlang, moya wa ka o o nyoretswe, mmele wa ka o o hlolohetswe, jwaloka naha e omeletseng, e kgathetseng, e hlokang metsi.

Dipesaleme 63:2 ပူးပေါင်းရင်းမြစ်များ

1 Dikronike 16:11

Batlang Jehova le matla a hae, le batle sefahleho sa hae kamehla.

Dipesaleme 105:4

Batlang Jehova le matla a hae, le batle sefahleho sa hae kamehla!

Dipesaleme 134:2

Emisetsang sehalalelo sa hae matsoho a lona, le boke Jehova!

Dipesaleme 145:11

Ba tla bolela kganya ya mmuso wa hao, ba tumise matla a hao,

Dipesaleme 27:4

Ntho e teng eo ke e kopang ho Jehova, eo ke ratang ho e bona, ke hobane ke dule ka tlung ya Jehova ka ditshiu tsohle tsa bophelo ba ka, ke tle ke bohe bokgabane ba Jehova, ke lekodisise tempele ya hae.

Dipesaleme 42:3

Meokgo ya ka ke sejo sa ka motshehare le bosiu, haesale ba ntse ba re ho nna: O kae na Modimo wa hao?

Dipesaleme 43:4

ke tle ke finyelle aletareng ya Modimo, ho Modimo oo ke o thabelang ka hlasimoloho, ke o binele ka harepa, Modimo, Modimo wa ka!

Dipesaleme 5:4

Hobane ha o Modimo o ratang bobe. Ya kgopo ha a amohelehe ho wena.

Dipesaleme 68:24

Modimo, ba bone motsamao wa hao, motsamao wa Modimo wa ka, wa Morena wa ka sehalalelong.

Dipesaleme 78:61

wa lesa kganya ya wona ya iswa kgolehong, le bokgabane ba wona ba wela matsohong a dira;

Dipesaleme 96:6

Kganya le letlotlo di pela hae, matla le botle di sehalalelong sa hae.

Isaia 60:13

Bokgabane ba Lebanone bo tla tla ho wena; le kiprese le pine le fire hammoho, ho tle ho kgabiswe ka tsona nqalo ya sehalalelo sa ka, mme nqalo ya maoto a ka e etswe e kganyang.

Jeremia 31:14

Ke tla kgorisa meya ya baprista mafura, mme setjhaba sa ka se tla kgora menate ya ka, ho bolela Jehova.