Dipesaleme 6:4 - Sesotho 1909/1961 (SO)

⁴ Kgutla, Jehova, o lokolle moya wa ka; o mpoloke ka baka la mohau wa hao.

BIBELE

⁴ mme ke sarelwa haholo. Empa wena Morena, o tla dieha ho fihlela neng?

Dipesaleme 6:4 ပူးပေါင်းရင်းမြစ်များ

Dipesaleme 116:4

Empa ka rapela lebitso la Jehova, ka re: Oho Jehova, o boloke moya wa ka!

Dipesaleme 116:8

Efela o ntshitse moya wa ka lefung, le mahlo a ka dillong, le maoto a ka kgothometsehong.

Dipesaleme 120:2

Jehova, o lopolle moya wa ka melomong e etsang leshano, le lelemeng le thetsang.

Dipesaleme 121:7

Jehova o tla o sireletsa bobeng bohle; o tla boloka moya wa hao.

Dipesaleme 13:2

Moya wa ka o tla ipelaetsa ho isa kae? Pelo ya ka e tla lesa neng ho itlhokofatsa? Sera sa ka se tla lesa neng ho mphahamela?

Dipesaleme 17:13

Tsoha, Jehova, o ba futuhele, o ba dihe! O mpoloke ka lerumo la hao ho bakgopo;

Dipesaleme 22:20

O lwele bophelo ba ka lerumong, ke bona feela bo setseng ho nna, o bo lwele marong a dintja.

Dipesaleme 25:7

O lebale dibe tsa botjha ba ka le ditlolo tsa ka!

Dipesaleme 69:13

Haele nna, thapelo ya ka e nyolohela ho wena, Jehova, nakong e tshwanelehang. Oho Modimo, o nkarabe ka bongata ba mehauhelo ya hao, ka nnete ya poloko ya hao.

Dipesaleme 74:10

Oho Modimo, sera se tla re soma ho isa kae? A sera se tla nyefola lebitso la hao kamehla na?

Dipesaleme 79:5

Jehova, o tla lesa neng ho halefa? Kgalefo ya hao na e tla tuka jwaloka mollo kamehla na?

Dipesaleme 80:14

Oho boya, Modimo wa makgotla! tadima o le lehodimong, mme o bone, o ele morara ona hloko!

Dipesaleme 86:13

Hobane mohau wa hao o moholo ka nqa ho nna, mme o nyolotse moya wa ka tlasetlase nqalong ya bafu.

Dipesaleme 90:13

Kgutla, Jehova! o tla isa kae ...? o hauhele bahlanka ba hao!

Isaia 38:17

Bona, mahlomola a ka a mphetohetse poloko, o ithatetse ho ntsha moya wa ka lebitleng la ho fela; hobane o lahletse dibe tsa ka kaofela kamora hao.

Daniele 9:18

Sekeha tsebe, Modimo wa ka, o mamele! Tutuboloha, o tadime dithako tsa rona, le motse o bitswang ka lebitso la hao, hobane leha re bea dikopo tsa rona pela hao, ha re itshepise ka ho loka ha rona, empa e le ka mehauhelo ya hao e meholoholo.

Malakia 3:7

Haesale mehleng ya bontata lona, la kgeloha ditaelo tsa ka, mme ha le a ka la di boloka; kgutlelang ho nna, mme ke tla kgutlela ho lona, ho bolela Jehova wa makgotla. Mme le re: Re kgutle ho eng?

Baefese 1:6

e tle e be thoriso ya kganya ya mohau wa wona oo o re hauhetseng ka wona ho Maratuwa wa wona.