Dipesaleme 44:14 - Sesotho 1909/1961 (SO)

¹⁴ o re etsa tshomo hara ditjhaba, le komo ya hlooho hara merabe.

BIBELE

¹⁴ O re fetotse sekgobo ho baahisane ba rona; sesomo le setsheho ho ba re potapotileng.

Dipesaleme 44:14 ပူးပေါင်းရင်းမြစ်များ

1 Marena 9:7

teng ke tla kumola Baiseraele naheng eo ke ba neileng yona, le ntlo eo ke e kgethetseng lebitso la ka ke tla e lahlela hole le nna, mme Iseraele e tla ba tshomo le sesomo ditjhabeng tsohle.

2 Marena 19:21

Ke ena taba eo Jehova a e boletseng bakeng sa hae: Morwetsana, moradi wa Sione, o a o nyedisa, o tsheha ka wena; moradi wa Jerusalema o o tsokoletsa hlooho.

2 Dikronike 7:20

ke tla le kumola naheng ya ka eo ke le neileng yona; le ntlo ena, eo ke e kgethetseng lebitso la ka ke tla e lahla, ke e etse tshomo le sesomo ditjhabeng tsohle:

Nehemia 2:17

Yaba ke re ho bona: Le bona tsietsi eo re leng ho yona, kamoo Jerusalema a senyehileng kateng, le kamoo mamati a teng a dutseng a tjhele kateng. Tloong, ha re tsoseng lerako la Jerusalema, re tle re se hlole sekgobong.

Jobo 16:4

Le nna, ke ne nka bua jwaloka lona, hoja le dutse ditulong tsa ka; nka be ke loha ditaba hodima lona, ka oma ka hlooho ho lona;

Jobo 17:6

O mpeile sesomo hara batho; ke fetohile ntho e nyatsehang pela bona.

Dipesaleme 109:25

Ke neetswe ditshomo tsa bona, ha ba ntadima ba sisinya dihlooho tsa bona.

Dipesaleme 123:3

O re utlwele bohloko, Jehova, o re utlwele bohloko! Hobane re se re kgotshe sekgobo haholo;

Dipesaleme 22:7

Ke sesomo sa bohle ba mponang; ba swenya melomo ya bona, ba oma ka hlooho,

Dipesaleme 79:4

Re fetohile sekgobo sa ba ahisaneng le rona, papadi le sesomo sa ba kamathoko.

Isaia 37:22

ke ena taba eo Jehova a e bolelang hodima hae: Morwetsana, moradi wa Sione, o a o nyedisa, o tsheha ka wena; moradi wa Jerusalema o o tsokolletsa hlooho.

Jeremia 24:9

Ke tla ba neela ho tsukutlwa le ho tshwenyeha mebusong yohle ya lefatshe, e tle e be nyediso, le pontsho, le sesomo, le thohako nqalong tsohle moo ke tla ba qhalanyetsa teng.

Mikea 6:16

Ho ntse ho bolokwa ditaelo tsa Omri le metsamao yohle ya ntlo ya Akabe! le ya ka merero ya bona, hore ke o etse tshenyeho, ke etse le baahi ba Jerusalema sesomo! mme le tla jara sekgobo sa setjhaba sa ka.

Deuteronoma 28:37

mme o tla fetoha makalo, le sesomo, le tshomo hara ditjhaba tsohle tseo Jehova a tla o isa hara tsona.