Dipesaleme 43:2 - Sesotho 1909/1961 (SO)

² Erekaha o le Modimo oo e leng qhobosheane ya ka, o ntahletseng? Ke tsamaelang ka dillo tlasa botubo ba sera?

BIBELE

² Modimo, ke wena eo ke tshabelang ho wena; jwale o ntahletseng? Keng ha ke tsamaya ke hlomohile, ke hlomohile ka baka la kgatello ya sera?

Dipesaleme 43:2 ပူးပေါင်းရင်းမြစ်များ

1 Dikronike 28:9

Haele wena, mora ka Salomone, hlokomela Modimo wa ntatao, mme o o sebeletse ka pelo yohle ya hao le ka moya o o ratang; hobane Jehova o botsisisa dipelo tsohle, mme o lekola merero yohle le mehopolo yohle. Ekare ha o mo batla, o tla fumanwa ke wena; ha o mpa o mo furalla, o tla o lahla ka ho sa feleng.

Dipesaleme 140:7

Jehova Morena, matla a poloko ya ka, o sirela hlooho ya ka ka letsatsi la ntwa.

Dipesaleme 28:7

Jehova ke matla a ka le thebe ya ka. Pelo ya ka e itshepetse yena, mme o nthusitse. Pelo ya ka e thabile ke hona, mme ke tla mo roka ka difela tsa ka.

Dipesaleme 31:4

o tla nkgula lerabeng leo ba ntjhehileng ka lona sephiring tlasa maoto a ka, hobane o tshireletso ya ka!

Dipesaleme 42:10

Masapo a ka a robeha, ha bao e leng dira ho nna ba ntlaka, ba ntse ba re ho nna ka matsatsi wohle: O kae na Modimo wa hao?

Dipesaleme 42:9

Ke tla re ho Modimo, lefika la ka: O ntebalelang? Ke tsamaelang ka dillo tlasa botubo ba sera?

Dipesaleme 44:9

Empa jwale, o re lahlile, o re apesitse dihlong, o lesitse ho tsamaya le makgotla a rona;

Dipesaleme 71:9

O se ke wa ntahla mehleng ya botsofadi ba ka; ha matla a ka a fela, o se ke wa ntlohela.

Dipesaleme 77:7

Na Morena a ka lahla motho ka ho sa feleng? A ke ke a boela a hauhela na?

Dipesaleme 88:15

Ke madimabe, ke ntse ke eshwa esale le botjheng ba ka, ke tshoswa ke matshabeho a hao, mme ke tsielehile.

Dipesaleme 94:14

Hobane Jehova a ke ke a lahla setjhaba sa hae, a ke ke a tlohela lefa la hae;

Eksoda 15:2

Matla a ka le thoko ya ka ke Jehova, ebile yena ho pholoha ha ka: ke yena Modimo wa ka, ke tla mo rorisa; ke Modimo wa ntate, ke tla mo tlotlisa.

Isaia 40:31

Empa ba itshepelang Jehova ba bona matla a matjha, ba fofa jwaloka ntsu, ba matha, mme ha ba kgathale; ba tsamaya, mme ha ba fokole.

Isaia 45:24

Ho tla thwe: Ruri, ho loka le matla di tswa ho Jehova a nnotshi; bohle ba mo halefetseng ba tla tla ho yena, ba tle ba hlabiswe dihlong.

Sakaria 10:12

Ba setjhaba sa ka ke tla ba natlafaletsa ho Jehova, mme ba tla tsamaya ka lebitso la hae, ho bolela Jehova.

Baefese 6:10

Qetellong, banabeso, tiyang Moreneng le matleng a hae a sa sitweng ke letho.

BaFilipi 4:13

Nka etsa tsohle ka Kreste ya mphang matla.