Dipesaleme 42:5 - Sesotho 1909/1961 (SO)

⁵ Moya wa ka, o hlorelang, o nyarohetseng kahare ho nna? O itshepele Modimo; ke sa tla o roka; sefahleho sa wona ke poloko.

BIBELE

⁵ Moya wa ka o a qhashoha, o qhashoha ha ke hopola tsena: Ke ne ke tsamaya mokolokong, ke o eteletse pele, ho ya tlung ya Modimo hara mehoo ya thabo le ya teboho, ha matshwele a eya moketeng.

Dipesaleme 42:5 ပူးပေါင်းရင်းမြစ်များ

Jobo 13:15

Bonang, o ka mpolaya, ha ho sa le kamoo nka tshepang kateng. Ke mpa ke rata ho hlahisa mekgwa ya ka pela wona;

Dipesaleme 35:14

ka tsamaya ka dillo jwaloka hola ke timeletswe ke motswalle, kapa ke ngwaneso; ka apara diaparo tsa bofifi le ho kobotela fatshe jwaloka hola ke llela mme.

Dipesaleme 37:7

O lebelle Jehova o ikgutseditse, o itshepise ka yena. O se ke wa hlora ka baka la ya atlehang tseleng ya hae, ka baka la motho ya leseho bolotsaneng ba hae.

Dipesaleme 38:6

Ke kobame, ke manahane hampe; ke ntse ke tsamaya ka bofifi tsatsi lohle;

Dipesaleme 42:11

Moya wa ka, o hlorelang, o nyarohetseng kahare ho nna? O itshepele Modimo; ke sa tla o roka, ke Mmoloki wa ka le Modimo wa ka.

Dipesaleme 43:5

Moya wa ka, o hlorelang, o nyarohetseng kahare ho nna? O itshepele Modimo, ke sa tla o roka; ke Mmoloki wa ka le Modimo wa ka.

Dipesaleme 44:3

Hobane ha ba ka ba hapa naha ka lerumo la bona, ha ba ka ba bolokwa ke letsoho la bona; empa ke ka le letona la hao, ke ka letsoho la hao le ka kganya ya sefahleho sa hao, hobane o ne o ba rata.

Dipesaleme 56:11

Ke itshepetse Modimo, nke ke ka tshaba letho: motho a ka nketsang?

Dipesaleme 56:3

Empa ka letsatsi la tshoho, ke bea tshepo ya ka ho wena.

Dipesaleme 61:2

Ke howeletsa ho wena ka pelo e tepeletseng, ke le pheletsong ya lefatshe. O nnyolosetse lefikeng leo ke sitwang ho le hlwa!

Dipesaleme 71:14

Empa nna, ke tla tshepa kamehla, ke nne ke bolele dithoko tsohle tsa hao.

Dipesaleme 77:3

Ke hopola Modimo, ke sisa pelo; ke a nahana, mme moya wa ka o a tsieleha. (Sela.)

Isaia 30:29

Le tla bina jwalokaha ho binwa ka bosiu ba mokete, pelo tsa lona di thabe ka thabo e tshwanang le ya ba tsamayang ka molodi wa phala, ha ho uwa thabeng ya Jehova, lefikeng la Iseraele.

Isaia 50:10

Ke mang hara lona ya tshabang Jehova, ya mamelang lentswe la mohlanka wa hae? Ya tsamayang lefifing, ya hlokang lesedi, a ke a tshepe lebitso la Jehova, a itshematlele ka Modimo wa hae.

Numere 6:26

Jehova a retelletse sefahleho sa hae ho wena, mme a o fe kgotso!

Mattheu 1:23

Bonang, morwetsana o tla emola, a tswale mora, mme lebitso la hae o tla bitswa Emmanuele, ke ho re, ha ho fetolwa, Modimo o na le rona.

Mattheu 26:38

A re ho bona: Moya wa ka o tshwerwe ka nqa tsohle ke maswabi a isang lefung; salang mona, le fadimehe le nna.

Mattheu 28:20

mme le ba rute ho boloka tsohle tseo ke le laetseng tsona. Mme bonang, nna, ke na le lona kamehla yohle, ho isa bofelong ba lefatshe.

1 Samuele 30:6

Kahoo, Davida a tsieleha haholo, hobane le batho ba ne ba bolela taba ya ho mo tlepetsa ka majwe, hobane pelo tsa bohle di ne di baba, e mong le e mong ka baka la bara ba hae le la baradi ba hae; empa Davida a ikgothatsa ka Jehova, Modimo wa hae.