Dipesaleme 39:1 - Sesotho 1909/1961 (SO)

¹ Ke ne ke itse: Ke tla fadimehela ditsela tsa ka, ke tle ke se ke ka seba ka leleme la ka; ke tla bea sethibelo molomong wa ka, ha e mobe a sa ntse a le pela ka.

BIBELE

¹ Pesalema ya Davida, e qapetsweng motsamaisi wa dibini; ya Jedutune.

Dipesaleme 39:1 ပူးပေါင်းရင်းမြစ်များ

1 Marena 2:4

Etlaba moo Jehova a tiisang taba ya hae eo a mpoleletseng yona, ha a re: Ekare ha bana ba hao ba itebela metsamaong ya bona, ba tsamaya pela ka ka mokgwa wa nnete, ka pelo yohle, le ka moya wohle, ha ho ka ke ha hlokeha motho wa lesika la hao teroneng ya Iseraele.

2 Marena 10:31

Empa Jehu ha a ka a tiisa ho tsamaya molaong wa Jehova, Modimo wa Iseraele, ka pelo ya hae yohle, a se ke a kgeloha dibe tseo Jeroboame a sebisitseng Iseraele ka tsona.

1 Dikronike 16:41

Ba ne ba na le Hemane le Jeduthune le Balevi ba bang ba kgethilweng, ba thontsweng ka mabitso a bona hore ba nne ba rorise Jehova; hobane mohau wa hae ke o sa feleng.

Jobo 2:10

Jobo a re ho yena: O bua jwaloka lewatla ha le bua. Na re tla amohela tse molemo letsohong la Modimo, re se ke ra amohela tse mpe na? Tabeng tseo kaofela, Jobo ha a ka a etsa sebe ka molomo wa hae.

Dipesaleme 119:9

BETH. Mohlankana o tla hlwekisa metsamao ya hae jwang? Ke ha a e ela hloko ka ho e bapisa le lentswe la hao.

Dipesaleme 12:4

e leng bona ba reng: Re tla qhala ka maleme a rona; melomo ke ya rona; ya ka re busang ke mang?

Dipesaleme 141:3

Jehova, bea selebedi pela molomo wa ka, o lebele monyako wa melomo ya ka!

Dipesaleme 34:13

tshabisa leleme la hao bolotsana, o phemise melomo ya hao dipolelo tsa ho thetsa;

Dipesaleme 62:1

Moya wa ka, ke ho Modimo feela o ka bonang phomolo; hobane poloko ya ka e tswa ho wona.

Dipesaleme 77:1

Lentswe la ka le nyolohela ho Modimo, ke ntse ke howa; lentswe la ka le nyolohela ho Modimo; hola o ka nkutlwa!

Diproverbia 18:21

Lefu le bophelo di matleng a leleme; ba le ratang ba tla ja tholwana tsa lona.

Diproverbia 21:23

Ya ipolokang molomo le leleme o tshabisa moya wa hae mahlomola.

Amose 5:13

Ka baka leo, mehleng ena ya bohlale o a ikgutsetsa, hobane ke mehla e mebe.

BaKolose 4:5

Tsamayang ka bohlale pela ba kantle, le ntse le lopolla dinako.

BaHebheru 2:1

Ka baka leo, e ka kgona re ele ka ho fetisisa ditaba tseo re di utlwileng hloko, esebe ra suthela hole le tsona.

Jakobo 1:26

Ekare ha e mong hara lona a lekanya hoba o na le borapedi, mme a sa tlame leleme la hae, a mpa a ithetsa pelo, borapedi ba motho eo ke ba lefeela.