Dipesaleme 37:3 - Sesotho 1909/1961 (SO)

³ O be le tshepo ho Jehova, o etse ho hotle; o ahe lefatsheng, o ikgorisetse nneteng.

BIBELE

³ Tshepa Morena, o etse botle, o tle o iphelele lefatsheng ka kgotso.

Dipesaleme 37:3 ပူးပေါင်းရင်းမြစ်များ

Genese 26:2

Yaba Jehova o iponahatsa ho yena, a re: O se ke wa theohela Egepeta, o mpe o sale naheng eo ke tla o bolella yona.

Genese 26:3

Dula naheng ena, mme ke tla ba le wena, ke o hlohonolofatse, hobane dinaha tsena kaofela ke tla di nea wena le ditloholo tsa hao, ke tiise kano eo ke e anetseng Abrahama, ntatao.

1 Marena 19:6

A tadima, a bona pela hlooho ya hae e le senkgwa se besitsweng hodima mashala, le nkgo ya metsi. A ja, a nwa, a boela a robala.

Dipesaleme 26:1

Nkahlolele, Jehova! hobane ke phela ka toka ya ka; ke itshepetse Jehova, ha ke sisinyehe.

Dipesaleme 33:19

ho holla meya ya bona lefung le ho ba phedisa mehleng ya tlala.

Dipesaleme 4:5

Hlahisang mahlabelo a ho loka, le itshepele Jehova.

Dipesaleme 62:8

Lona, setjhaba, le itshepise ka wona kamehla, le tshollele dipelo tsa lona pela wona! Modimo ke setshabelo sa rona. (Sela.)

Diproverbia 3:5

O tshepe Jehova ka pelo ya hao yohle, o se ke wa itshepa hlalefo ya hao.

Isaia 40:11

O tla alosa mohlape wa hae ka mokgwa wa modisa, o tla bokella dikonyana matsohong a hae, a di jare sefubeng sa hae; le tse anyesang, a di sotetse butle.

Isaia 50:10

Ke mang hara lona ya tshabang Jehova, ya mamelang lentswe la mohlanka wa hae? Ya tsamayang lefifing, ya hlokang lesedi, a ke a tshepe lebitso la Jehova, a itshematlele ka Modimo wa hae.

Luka 22:35

Yaba o re ho bona: Mohla ke neng ke le romile le se na mokotlana wa ditjhelete, le mokotla wa tsela, le dieta, na le kile la hloka ho hong na? Ba re: Ha ho letho leo re kileng ra le hloka.

Deuteronoma 30:20

o tle o rate Jehova, Modimo wa hao, o utlwe lentswe la hae, mme o mo kgomarele; hobane ke yena bophelo ba hao, le bolelele ba matsatsi a hao, o tle o ahe lefatsheng leo Jehova a anetseng bontatao, Abrahama, Isaaka le Jakobo, hore o tla ba nea lona.

1 Samuele 26:19

Morena, monga ka, a ke a mamele taba tsa mohlanka wa hae jwale; ha ekaba ke Jehova ya o tsoseditseng nna, a ke a dumele sehlabelo; haeba ke batho, ba ke ba rohakwe pela Jehova, hobane kajeno ba ntelekile hore ke se ke ka kgomarela tjhaba sa lefa la Jehova; ba re, ke ye, ke sebeletse medimo esele.