Dipesaleme 35:27 - Sesotho 1909/1961 (SO)

²⁷ Ke moo ba ratang taba e lokileng ya ka ba tla bina ba nyakaletse; ba tla re ka matsatsitsatsi: Jehova o moholo, ya ratang molemo wa mohlanka wa hae!

BIBELE

²⁷ Ba kgahlwang ke ho loka ha ka ba ke ba thabe, ba etse ditlatse; kamehla ba re: “Morena o moholo, yena ya kgahlwang ke kgotso, kgotso ya mohlanka wa hae!”

Dipesaleme 35:27 ပူးပေါင်းရင်းမြစ်များ

Dipesaleme 132:16

Ke tla apesa baprista ba yona ka poloko, bakgethwa ba yona ba tshele ditlatse tsa thabo.

Dipesaleme 132:9

Baprista ba hao a ba ke ba apare ho loka, bakgethwa ba hao ba tshele mehoo ya thabo!

Dipesaleme 142:7

O ntshe moya wa ka teronkong, ke tle ke rorise lebitso la hao! Ba lokileng ba tla tla ho nteela hare, hobane o tla nketsetsa mohau.

Dipesaleme 147:11

Jehova o kgahliswa ke ba mo tshabang, ba itshepelang mohau wa hae.

Dipesaleme 149:4

Hobane Jehova o thabela setjhaba sa hae, o kgabisa bahlomohi ka ho ba pholosa.

Dipesaleme 32:11

Ithabiseng ka Jehova, le nyakalle ho yena, lona ba lokileng; mme le bine, lona bohle ba pelo tse lokileng!

Dipesaleme 34:4

Ka na ka batla Jehova, mme a nkaraba, a ba a mpholosa ho tshabeng ha ka kaofela.

Dipesaleme 40:16

Bohle ba o batlang a ba ke ba thabe, ba nyakallele ho wena; ba lakatsang poloko ya hao ba ke ba re kamehla: Jehova a ke a hodiswe!

Dipesaleme 40:17

Haele nna, ke mofumanehi le mosenyehi; empa Morena o a nkgopola! O thuso ya ka le mopholosi wa ka; Modimo wa ka, o se ke wa dieha.

Dipesaleme 68:3

Empa ba lokileng ba tla thaba, ba be ba nyakalle pela Modimo, ba hlasimolohe, ba bine.

Dipesaleme 70:4

Bohle ba o batlang a ba ke ba thabe, ba nyakallele ho wena! Ba lakatsang poloko ya hao ba ke ba re kamehla: Modimo o ke o hodiswe!

Dipesaleme 9:4

Hobane o emela taba tsa ka le tokelo tsa ka; o dutse teroneng ya hao, o le moahlodi ya lokileng.

Diproverbia 8:18

Menono le hlompho di ho nna, maruo a sebele le hona ho loka.

Sofonia 3:14

Duduetsa ka thabo, moradi wa Sione! Iseraele, o hlabe ditlatse! O thabe, o be o nyakalle ka pelo yohle, wena moradi wa Jerusalema!

Sofonia 3:17

Jehova, Modimo wa hao, o kahare ho wena: ke mohale ya pholosang. O tla o thabela ka thabo e kgolo, a be a kgutse ka baka la lerato la hae; o tla o nyakallela ka meduduetsa.

Johanne 16:22

Le lona le utlwa bohloko jwale; empa ke tla boela ke le bone, mme dipelo tsa lona di tla thaba, mme ha ho motho ya tla le amoha thabo ya lona.

Baroma 12:15

Thabang le ba thabileng, mme le lle le ba llang.

1 Bakorinthe 12:26

Mme setho se seng ha se utlwa bohloko, ditho tsohle di utlwa bohloko le sona; leha setho se seng se tlotliswa, ditho tsohle di thaba le sona.