Dipesaleme 26:10 - Sesotho 1909/1961 (SO)

¹⁰ ba tshwereng polao matsohong a bona, mme seatla sa bona se setona se tletse dineo tsa qeko!

BIBELE

¹⁰ bao matsoho a bona a etsang tsa bolotsana, bao diatla tsa bona di amohelang tjotjo.

Dipesaleme 26:10 ပူးပေါင်းရင်းမြစ်များ

Dipesaleme 10:14

Athe o a bona; hobane o tadima hlokofalo le matshwenyeho, mme o di ngola letsohong la hao. Ya madimabe o itshepetse wena; esale o le moemedi wa kgutsana.

Dipesaleme 11:2

Hobane, bonang, bakgopo ba koba diqha tsa bona, ba tjheha metsu ya bona lesikeng, ho phosetsa batho ba pelo tse lokileng lefifing.

Dipesaleme 36:4

O rera bokgopo diphateng tsa hae; o ya ka tsela e seng molemo; ha a na ho hloya bobe.

Dipesaleme 52:2

Leleme la hao le rera tshenyo feela, jwaloka lehare le leoditsweng, wena ya etsang bohata.

Eksoda 23:8

O se ke wa amohela mpho; etswe mpho e foufatsa ba bontshisang, mme e kgopamisa dipuo tsa ba lokileng.

Diproverbia 1:16

Hobane maoto a bona a mathela bobeng, ba thootheletswe ho tsholla madi.

Diproverbia 4:16

Hobane ha ba na ho robala ba eso ho ka ba etsa bobe; ba fadimehiswa ke ho ngongoreha, ha ba sa ka ba diha motho pele.

Isaia 33:15

E tla ba ya tsamayang tseleng ya ho loka, ya bolelang ka ho loka, ya nyatsang maruo a nkilweng ka matla, ya hlohlorang letsoho la hae le tle le se ke la amohela dineo, ya ithibang ditsebe hore a se ke a utlwa merero ya ho bolaya, ya tutubalang mahlo hore a se ke a bona bobe.

Amose 5:12

Hobane ke tseba hoba ditlolo tsa lona di ngata, le hoba dibe tsa lona di atile haholo; le hlorisa ya lokileng, le nka tefo, mme bafumanehi ha le ba ahlolele kgotla.

Mikea 7:3

Ba kena ka matsoho a mabedi bobeng, hore ba bo phethe: morena o a qela, moahlodi o ahlolela moputso, e moholo yena o bolela takatso e mpe ya moya wa hae; hammoho ba sothanya ditaba.

Diketso 23:12

Eitse hobane bo se, Bajuda ba bang ba etsa morero, mme ba itlama ka ho hlapanya, ba re, ba ke ke ba enwa, leha e le ho ja, ba eso ho bolaye Pauluse.

Deuteronoma 16:19

O se ke wa fapoha ho loka, mme o se ke wa ya ka tshobotsi ya batho; o se ke wa amohela dimpho; hobane mpho e foufatsa mahlo a ba bohlale, mme e kgopamisa dipolelo tsa ba lokileng.

1 Samuele 8:3

Bara ba hae ba mpa ba se ke ba tsamaya ka mehlala ya hae; ba kgelohela leruong le sa lokang, ba amohela dimpho, ba kgelosa le kahlolo.