Dipesaleme 16:6 - Sesotho 1909/1961 (SO)

⁶ Ke neilwe kabelo ya ka nqalong tse ntle, le lefa la ka dinaheng tse kgahlehang.

BIBELE

⁶ Ke sehetswe kgubung, ruri ke thabela lefa la ka.

Dipesaleme 16:6 ပူးပေါင်းရင်းမြစ်များ

Dipesaleme 61:6

O eketse matsatsi a morena, o mo fe dilemo ho isa ditloholong le ditloholwaneng;

Dipesaleme 78:55

wa lelekisa matjhaba pela bona, wa ba arolela lefa la bona ka thapo, mme wa kenya meloko ya Iseraele ditenteng tsa yona.

Jeremia 3:19

Nna ka re: Nka o bea jwang baneng ba ka, nka o nea jwang lefatshe le lakatsehang, leruo le letle la makgotla a ditjhaba? Ka re: Le tla mpitsa Ntate, mme ha le sa tla nkwenehela.

Amose 7:17

ka baka leo, ho itswe ke Jehova: Mosadi wa hao o tla betwa hara motse, bara ba hao le baradi ba hao ba dihuwe ke lerumo; naha ya hao e tla arolwa ka kgwele, wena o tla shwa lefatsheng le ditshila, mme Iseraele o tla iswa kgolehong, a ntshwe lefatsheng la hae.

Johanne 20:17

Jesu a re ho yena: Se nkame, hobane ha ke eso ho nyolohele ho Ntate; o mpe o ye ho banabeso, o re ho bona: Ke nyolohela ho Ntate, e leng le Ntata lona, ho Modimo wa ka, e leng le Modimo wa lona.

Baroma 8:17

Mme ha re le bana, re majalefa: majalefa a Modimo, le majalefa hammoho le Kreste, ha re fela re utlwa bohloko le yena, re tle re newe kganya le yena.

Baefese 1:18

o edise mahlo a dipelo tsa lona, le tle le tsebe tshepo e leng teng pitsong ya wona le monono wa kganya ya lefa la wona hara bahalaledi;

2 Timothea 2:12

mme ha re mamella bohloko le yena, re tla busa le yena; ha re mo latola, le yena o tla re latola;

BaHebheru 12:2

re ntse re tadimile Jesu, moqadi le mophethi wa tumelo, ya mameletseng sefapano ka baka la thabo eo a e beetsweng, a sa kang a re letho ka dihlong, a ba a ya dula letsohong le letona la terone ya Modimo.

Tshenolo 3:21

Ya hlolang, ke tla mo fa ho dula le nna teroneng ya ka, jwalokaha le nna ke hlotse, mme ke dutse le Ntate teroneng ya hae.