Dipesaleme 146:3 - Sesotho 1909/1961 (SO)

³ Le se ke la itshepela marena, leha e le bana ba batho ba sitwang ho pholosa motho!

BIBELE

³ Le se ke la tshepa mahosana, leha e le motho ya se nang matla, matla a ho pholosa.

Dipesaleme 146:3 ပူးပေါင်းရင်းမြစ်များ

2 Marena 6:27

A re: Ha Jehova a sa o pholose, nna ke tla o pholosa jwang? Na ekaba ke ka se tswang seotlong, kapa sehatelong na?

2 Dikronike 16:7

Mohlang oo, Hanani seboni a tla ho Asa, morena wa Juda, a re ho yena: Erekaha u itshetlehile ka morena wa Siria, mme o sa ka wa itshetleha ka Jehova, Modimo wa hao, ka baka leo, makgotla a morena wa Siria a o phonyohetse.

Dipesaleme 108:12

O re thuse, re tle re hlole dira tsa rona, hobane thuso ya motho ke lefeela.

Dipesaleme 60:11

Re thuse, re tle re pholohe direng tsa rona, hobane thuso ya motho ke lefeela!

Dipesaleme 62:9

Bana ba batho ke lefeelafeela, le bara ba batho ke leshano feela; ha le ka ba bea sekaleng, ba ka phahama feela; kaofela hammoho ke lefeela.

Isaia 2:22

Ha ho le jwalo, lesang ho tshepa motho, eo phefumoloho ya hae e leng masobeng a dinko tsa hae; na a ka thusang?

Isaia 22:25

Tsatsing leo, ha ho bolela Jehova wa makgotla, thakgisa e hlomilweng moo ho tiileng e tla tloswa, e lahlwe, e we, mme ntho tsohle tseo e neng e di jere, di tla wela fatshe, hobane Jehova o boletse.

Isaia 31:3

Moegepeta ke motho, e seng modimo; dipere tsa hae ke nama, e seng moya. Etlare ha Jehova a otlolla letsoho la hae, mothusi o tla kgoptjwa, le ya thuswang a we, ba fele kaofela hammoho.

Isaia 37:6

Esaia a re ho bona: Le bolelle monga lona, le re: Ho itswe ke Jehova: O se ke wa tshoha mantswe ao o a utlwileng, ao bahlanka ba morena wa Assiria ba nnyefotseng ka wona.