Dipesaleme 145:10 - Sesotho 1909/1961 (SO)

¹⁰ Jehova, mesebetsi ya hao kaofela e tla o rorisa, bakgethwa ba hao ba o boke.

BIBELE

¹⁰ Morena, mesebetsi yohle ya hao e a o leboha, le batshepuwa ba hao ba a o boka;

Dipesaleme 145:10 ပူးပေါင်းရင်းမြစ်များ

Dipesaleme 103:22

Bokang Jehova, lona mesebetsi ya hae kaofela, nqalong tsohle tsa borena ba hae! Moya wa ka, o boke Jehova!

Dipesaleme 104:24

Jehova, mesebetsi ya hao e mengata hakakang! O e entse kaofela ka bohlale; lefatshe le tletse matlotlo a hao.

Dipesaleme 149:5

Bakgethwa ba hae a ba ke ba ithabelle kganya, a ba ke ba tshele ditlatse tsa nyakallo malaong a bona.

Dipesaleme 19:1

Mahodimo a bolela kganya ya modimo, mme sebaka sa lehodimo se bonahatsa mosebetsi wa diatla tsa wona.

Dipesaleme 22:23

Lona ba tshabang Jehova, le mo roke; lona kaofela moloko wa Jakobo, le mo rorise; le thothomele pela hae, lona kaofela moloko wa Iseraele!

Dipesaleme 30:4

Binelang Jehova, lona bakgethwa ba hae, le rorise lebitso la hae le halalelang.

Dipesaleme 30:5

Hobane kgalefo ya hae ke ya motsotso feela, empa mohau wa hae o tshwere bophelo bohle ba motho; leha dillo di ka fapohela ho rona bosiu, hosasa e se e le nyakallo.

Dipesaleme 32:11

Ithabiseng ka Jehova, le nyakalle ho yena, lona ba lokileng; mme le bine, lona bohle ba pelo tse lokileng!

Dipesaleme 57:9

Morena, ke tla o rorisa hara batho, ke o roke hara ditjhaba;

Dipesaleme 68:26

Ba re: Rorisang Modimo diphuthehong; le rorise Morena, lona ba tswang lesikeng la Iseraele!

Dipesaleme 69:35

Hobane Modimo o tla boloka Sione, o tsose metse ya Juda; ba tla aha ho yona, e boele e be leruo la bona;

Dipesaleme 97:12

Lona ba lokileng, etsang thabo ya lona ka Jehova, mme le roke lebitso la hae le halalelang!

Isaia 44:23

Mahodimo, nyakallang ka difela, hobane Jehova o sebeditse; le lona matebo a lefatshe hlabang ditlatse. Dithaba a di ke di dume ka mehoo ya thabo, le meru le difate tsa yona, hobane Jehova o lopolotse Jakobo, mme o bonahaditse kganya ya hae Iseraeleng.

BaHebheru 13:15

Ka baka leo, a re hlahiseng kamehla ho Modimo ka yena sehlabelo sa poko, e leng tholwana ya melomo e bolelang lebitso la hae.

1 Petrose 2:5

le lona, le ke le hahuwe le le majwe a phelang, ho etsa ntlo ya Moya, le boprista bo halalelang, ho hlahisa mahlabelo a moya, a natefelang Modimo ka Jesu Kreste.

1 Petrose 2:9

Empa haele lona, le moloko o kgethilweng, le baprista le marena, le mofuta o halalelang, le setjhaba se ruilweng, le tle le bolele dithoko tsa ya le bitsitseng lefifing ho le kenya leseding la hae le hlollang;