Dipesaleme 144:4 - Sesotho 1909/1961 (SO)

⁴ Motho o tshwana le pudulo, mme matsatsi a hae a ka leswiti le fetang.

BIBELE

⁴ Motho o tshwana le lefeela, ditshiu tsa hae di jwaloka moriti o fetang.

Dipesaleme 144:4 ပူးပေါင်းရင်းမြစ်များ

2 Samuele 14:14

Athe re fela re tshwanetse ho shwa, re jwaloka metsi a tsholohetseng fatshe, a ke keng a boela a bokellwa; wona Modimo ha o amohe motho bophelo ba hae, athe o ye o hopole mokgwa wa hore ya lelekilweng a se ke a lahlelwa ruri pela wona.

1 Dikronike 29:15

Re basele pela hao, re bajaki jwaloka bontata rona kaofela; ditshiu tsa rona lefatsheng e ka moriti; mme ho dula ha ho yo.

Jobo 4:19

ho jwalo hakakang ho ba ahileng matlung a letsopa, ba hlahileng leroleng, ba ka rinngwang jwaloka ditshwele!

Jobo 8:9

hobane rona re ba maobane, ha re na tsebo, etswe matsatsi a rona lefatsheng e le moriti feela.

Dipesaleme 102:11

Matsatsi a ka a jwaloka moriti o otlolohang, ke omella jwaloka jwang.

Dipesaleme 109:23

Ke ikela jwaloka moriti o otlolohang, ke akgelwa hohle ke moya jwaloka tsie.

Dipesaleme 39:11

Ha o laya motho ka ditlokotsi bakeng sa molato wa hae, o senya botle ba hae, jwaloka hoja e le ntho e jewang ke tshwele; ruri, motho ka mong ke mofehelo feela. (Sela.)

Dipesaleme 62:9

Bana ba batho ke lefeelafeela, le bara ba batho ke leshano feela; ha le ka ba bea sekaleng, ba ka phahama feela; kaofela hammoho ke lefeela.

Dipesaleme 89:47

Hopola hore bophelo ba ka bo bokgutshwanyane, le hore bana bohle ba batho o ba bopetse lefeela!

Moeklesia 1:14

Ke bone mesebetsi yohle e etswang tlasa letsatsi; mme bonang, tsohle ke lefeela, ke mosebetsi o nyopileng.

Moeklesia 1:2

Lefeela la mafeela, ho rialo Mmoledi; lefeela la mafeela, tsohle ke lefeela!

Moeklesia 12:8

Lefeela la mafeela, ho bolela Mmoledi, tsohle ke lefeela!

Moeklesia 8:13

Molotsana yena ho ke ke ha dula hantle le yena, mme a ke ke a atelwa ke matsatsi. O tla feta jwaloka leswiti, hobane ha a ka a tshaba ho etsa hampe pela sefahleho sa Modimo.