Dipesaleme 132:17 - Sesotho 1909/1961 (SO)

¹⁷ Ke tla medisetsa Davida lenaka ho yona, ke lokisetse motlotsuwa wa ka lebone.

BIBELE

¹⁷ “Teng ke tla bea setloholo sa Davida, ke se bee hore e be kgosi e matla, ke lokisetse Motlotsuwa wa ka lebone.

Dipesaleme 132:17 ပူးပေါင်းရင်းမြစ်များ

1 Marena 11:36

Haele mora hae, ke tla mo nea leloko le le leng, hore mohlanka wa ka, Davida, a nne a be le lebone le tukang kamehla pela ka Jerusalema, motse oo ke ikgethetseng wona ho bea lebitso la ka ho wona.

1 Marena 15:4

Leha ho le jwalo, ka baka la Davida, Jehova, Modimo wa hae, a mo nea lebone le tukang Jerusalema, ka ho mo hlahlamisa mora hae, le ka ho tiisa Jerusalema.

2 Marena 8:19

Leha ho le jwalo, Jehova ha a ka a rata ho timetsa Juda, ka baka la Davida, mohlanka wa hae, jwalokaha a ne a mmoleletse, a re, o tla mo nea lebone la kamehla hara bara ba hae.

2 Dikronike 21:7

Leha ho le jwalo, Jehova ha a ka a rata ho timetsa ntlo ya Davida, ka baka la selekane seo a neng a se hlabile le Davida, le ka baka la seo a neng a se boletse, a re, o tla nne a mo nee, yena le bara ba hae, lebone ka ho sa feleng.

Dipesaleme 148:14

O emisitse lenaka la setjhaba sa hae, a tle a roriswe ke bakgethwa ba hae kaofela, e leng bana ba Iseraele, setjhaba seo a ikatameleditseng sona. Bokang Jehova!

Dipesaleme 89:25

ke tla bea seatla sa hae hodima lewatle, le letsoho le letona la hae hodima dinoka.

Dipesaleme 92:10

O emisa lenaka la ka jwaloka la nare, ke tlotsitswe ka ole e ntjha;

Ezekiele 29:21

Mohlang oo, ke tla medisetsa ntlo ya Iseraele lenaka, mme wena, ke tla o nea molomo o ahlamileng hara bona, hore ba tle ba tsebe hoba ke nna Jehova.

Luka 1:69

O re tsoseditse lenaka la poloko tlung ya Davida, mohlanka wa hae;

1 Samuele 2:10

Jehova o tla tshosa ba mo tsekisang, o tla ba dumisetsa a le lehodimong. Jehova o tla ahlola dipheletso tsa lefatshe; o tla nea morena wa hae matla, a emise lenaka la motlotsuwa wa hae!