Dipesaleme 130:5 - Sesotho 1909/1961 (SO)

⁵ Ke itshepetse Jehova, moya wa ka o mo tshepile, ke itshepisa ka pallo ya hae.

BIBELE

⁵ Ke tshepile Morena, moya wa ka o tshepile lentswe la hae.

Dipesaleme 130:5 ပူးပေါင်းရင်းမြစ်များ

Genese 49:18

Jehova, ke lebeletse topollo ya hao!

Dipesaleme 119:114

O setshabelo sa ka le thebe ya ka; ke lebeletse pallo ya hao.

Dipesaleme 119:42

Ke tle ke tsebe ho fetola ya nkgobang, hobane ke itshepetse lentswe la hao.

Dipesaleme 119:49

ZAIN. O elellwe pallo ya hao ho mohlanka wa hao, eo ke tshepisitsweng ka yona!

Dipesaleme 119:74

Ba o tshabang, ha ba mpona, ba thaba, hobane ke tshepile pallo ya hao.

Dipesaleme 119:81

KAF. Moya wa ka o labalabela poloko ya hao; ke ntse ke lebeletse pallo ya hao.

Dipesaleme 27:14

O itshepele Jehova, o be matla, pelo ya hao e tiye! O itshepele Jehova.

Dipesaleme 33:20

Meya ya rona e itshepetse Jehova: ke yena thuso ya rona le thebe ya rona.

Dipesaleme 40:1

Ka na ka lebella Jehova ka ho tiya, a itshekamisetsa ho nna, a utlwa ho dumaela ha ka,

Dipesaleme 62:1

Moya wa ka, ke ho Modimo feela o ka bonang phomolo; hobane poloko ya ka e tswa ho wona.

Dipesaleme 62:5

Moya wa ka, o itshepele Modimo, hobane tshepo ya ka e tswa ho wona.

Isaia 26:8

Jehova, re o lebeletse ke hona tseleng ya dikahlolo tsa hao; lebitso la hao le kgopotso ya hao ke tseo meya ya rona e di lakatsang.

Isaia 30:18

Ka baka leo, Jehova o tla lebella ho le hauhela; ka baka leo, o tla ema ho le rekolohela, hobane Jehova ke Modimo o lokileng. Ho lehlohonolo ba mo tshepang kaofela!

Isaia 8:17

Ke tshepile Jehova ya patetseng ntlo ya Jakobo sefahleho sa hae; ke beile tshepo ya ka ho yena.

Luka 2:25

Ho ne ho na le monna Jerusalema, ya bitswang Simeone; monna eo o ne a lokile, a hlonepha Modimo, a lebeletse tshediso ya Iseraele; mme Moya o Halalelang o ne o le ho yena.

Luka 2:38

Le yena a hlaha nakong yona eo, a boka Morena, mme a bolela tsa Jesu ho bohle ba lebeletseng topollo Jerusalema.

BaHebheru 6:18

hore rona, ba phallelang tshepo eo re e beetsweng pele, re be le tshediso e fetisang ka ho tiya ka baka la ntho tse pedi tse sa sisinyeheng, tseo Modimo o neng o ke ke wa etsa leshano ho tsona.