Dipesaleme 122:6 - Sesotho 1909/1961 (SO)

⁶ Rapellang kgotso ya Jerusalema! Ho atlehe ba o ratang!

BIBELE

⁶ Rapellang Jerusalema e be le kgotso: “Ba o ratang ba ke ba atlehe.

Dipesaleme 122:6 ပူးပေါင်းရင်းမြစ်များ

Genese 12:3

Ke tla hlohonolofatsa ba o hlohonolofatsang, ke rohake ba o rohakang, mme mefuta yohle ya lefatshe e tla hlohonolofalla ho wena.

Nehemia 11:1

Dihlooho tsa setjhaba, tsona di ne di se di ahile Jerusalema; haele ba bang ba setjhaba, ha laolwa ka lotho hore hara ba leshome e mong a tle a ahe Jerusalema, motseng o halalelang, ba bang ba robileng mono o le mong ba ahe metseng.

Nehemia 11:2

Setjhaba sa hlohonolofatsa batho bohle ba ithaopileng ka thato ya bona ho aha Jerusalema.

Esthere 4:8

A mo nea le kopi ya lengolo la taelo e entsweng Susane ya ho ba timetsa, a tle a le bontshe Esthere, mme a mo tsebise tsohle; hape, a laela Esthere ho kena ho morena a tle a mo rapedisise, a rapelle setjhaba sa habo ho yena.

Dipesaleme 51:18

Leratong la hao o hlohonolofatse Sione; o hahe marako a Jerusalema!

Isaia 62:7

Le se ke la mo fa sebaka, a be a tsose Jerusalema, a mo etse motse o roriswang lefatsheng!

Isaia 66:10

Ithabiseng le Jerusalema, nyakallo ya lona e ke e tsoswe bakeng sa hae, lona kaofela ba mo ratang! Ithabeleng haholo le yena, lona kaofela ba nnileng ba mo llela;

Jeremia 29:7

Le ke le batlele motse oo ke le isitseng kgolehong teng kgotso, le o rapelle ho Jehova, hobane kgotsong ya wona le tla ba le kgotso le lona.

Jeremia 51:50

Lona ba phemileng lerumo, tlohang, le se ke la ema; hopolang Jehova le sa le hole, Jerusalema a ke a hlokomelwe ke dipelo tsa lona.

Numere 24:9

O finne mangole, o bothile jwaloka tau le jwaloka tau e tshehadi; ke mang ya ka mo tsosang? Ho hlohonolofatswe ba o hlohonolofatsang, ho rohakwe ba o rohakang!

Johanne 17:21

bohle ba tle ba be bang, jwalokaha wena, Ntate, o le ho nna, le nna ke le ho wena; le bona ba be bang ho rona, hore lefatshe le tle le dumele hoba o nthomile.

Baefese 4:3

Le tiye matla ho boloka bonngwe ba moya ka tlamo ya kgotso.

2 BaThesalonika 3:16

Jwale, Morena wa kgotso, yena ka sebele, a nne a le fe kgotso kamehla le ka mekgwa yohle! Morena a be le lona bohle!

1 Johanne 3:14

Moo re tsebang hobane re faletse lefung ho kena bophelong, ke ha re rata banababo rona. Ya sa rateng ngwanabo o sa dutse lefung.

1 Samuele 12:23

Haele nna, nke ke ka sitelwa Jehova, le ho leka, ka ho lesa ho le rapella; ke tla nne ke le rute le tsela e ntle e lokileng.