Dipesaleme 121:7 - Sesotho 1909/1961 (SO)

⁷ Jehova o tla o sireletsa bobeng bohle; o tla boloka moya wa hao.

BIBELE

⁷ Morena o tla o sireletsa, a o sireletse bobeng bohle, a baballe bophelo ba hao.

Dipesaleme 121:7 ပူးပေါင်းရင်းမြစ်များ

Genese 28:15

Bona, nna ke na le wena; ke tla o boloka hohle moo o ka yang teng, ke be ke o kgutlisetse naheng ena, hobane nke ke ka o tlohela, ke eso ho o etse seo ke o baletseng sona.

1 Dikronike 4:10

Jaebetse a bitsa Modimo wa Iseraele, a re: Oho, o ke o ntlhohonolofatse; o atise naha ya ka; letsoho la hao le nne le be ho nna; hape, ako ntshireletse bobeng, bo tle bo se ke ba nkutlwisa bohloko. Yaba Modimo o mo sitsa ka seo a se kopileng.

Dipesaleme 145:20

Jehova o boloka bohle ba mo ratang, empa o fedisa ba babe kaofela.

Dipesaleme 34:22

Jehova o lopolla bophelo ba bahlanka ba hae; bohle ba mo tshepang ba ke ke ba tsuwa.

Dipesaleme 41:2

Jehova o tla mo lwela! Ka letsatsi le lebe, Jehova o tla mo sireletsa, a mo phedise; e tla ba motho ya lehlohonolo lefatsheng. O ke ke wa mo neela thatong ya bao e leng dira ho yena.

Dipesaleme 97:10

Lona ba ratang Jehova, hloyang bobe! O sirela meya ya bakgethwa ba hae, o ba namolela matsohong a ba bolotsana.

Diproverbia 12:21

Ya lokileng a ke ke a tlelwa ke tsietsi; empa ba babe ba tla atelwa ke mahlomola.

Numere 6:24

Jehova a o hlohonolofatse, mme a o boloke!

Mattheu 6:13

o se ke wa re isa molekong; o mpe o re lwele ho e mobe; [hobane mmuso ke wa hao, le matla, le kganya ka ho se feleng. Amen!]

Baroma 8:28

Mme re tseba hore dintho tsohle di sebedisana hammoho molemo wa ba ratang Modimo, e leng ba bitsitsweng ka morero wa wona.

2 Timothea 4:18

Mme Morena o tla nne a nnamolele mesebetsing yohle e mebe, mme o tla mpolokela ho kena mmusong wa hae o lehodimong. Ho yena e be kganya ka ho sa feleng. Amen!