Dipesaleme 119:9 - Sesotho 1909/1961 (SO)

⁹ BETH. Mohlankana o tla hlwekisa metsamao ya hae jwang? Ke ha a e ela hloko ka ho e bapisa le lentswe la hao.

BIBELE

⁹ Mohlankana a ka hlwekisa metsamao ya hae jwang? Ka ho hahela lentswe la hao lesaka.

Dipesaleme 119:9 ပူးပေါင်းရင်းမြစ်များ

2 Dikronike 6:16

Jwale, Jehova, Modimo wa Iseraele, o tiisetse ntate Davida, mohlanka wa hao, seo o mmaletseng sona, wa re ho yena: Ekare ha bana ba hao ba itebela metsamaong ya bona ho tsamaya molaong wa ka, jwalokaha o tsamaile pela ka, ha o ka ke wa hloka motho ya dulang teroneng ya Iseraele pela ka.

Jobo 1:5

Mme enere hobane e mong le e mong a qete letsatsi la mmoka wa hae, Jobo o ne a romela ho ba bitsa, mme a ba hlatswe, a tsohe e sa le ka meso, a hlabe mahlabelo a ditjheso a lekanang dihlooho tsa bona; hobane Jobo o ne a re: Ekaba mohlomong bara ba ka ba sitilwe ka ho lebala Modimo dipelong tsa bona. Jobo a nna a etsa jwalo kamehla.

Jobo 13:26

Ke kang ha o mpeetse ntho tse babang, leha o nkotlela makgopo a botjha ba ka?

Dipesaleme 119:11

Ke boloka lentswe la hao ka pelong ya ka, hore ke se ke ka o sitelwa.

Dipesaleme 17:4

Ha ke lemoha diketso tsa batho, ka lentswe la hao ke sesefile ditsela tsa batho ba sehloho.

Dipesaleme 25:7

O lebale dibe tsa botjha ba ka le ditlolo tsa ka!

Dipesaleme 34:11

Tloong, lona bara ba ka, le mmamele; ke tla le ruta ho tshaba Jehova.

Diproverbia 1:10

Mora ka, ekare ha baetsadibe ba rata ho o hoka, o se ke wa ba wa dumela.

Diproverbia 1:4

ho hlalefisa sethoto, ho nea mohlankana tsebo le kelello.

Diproverbia 2:11

masene a o lebele, kutlwisiso e o boloke;

Diproverbia 4:1

Bana ba ka, mamelang thuto ya ntata lona, le e nahane, le tle le fihlele kelello.

Diproverbia 7:7

ka bona ho le dithoto, hara ba batjha ka lemoha mohlankana e mong ya hlokang kutlwisiso;

Moeklesia 11:9

Mohlankana, thabela botjha ba hao, mme pelo ya hao e ke e o nyakalatse matsatsing a botjha ba hao, o tsamaye ka dithato tsa pelo ya hao le ka tjhadimo ya mahlo a hao;

Luka 15:13

Ha feta matsatsi a se makae, mora wa hae e monyenyane a bokella tsohle, a fallela naheng e hole, a qhalanya letlotlo la hae teng ka ho phela ka bohlola.

Johanne 15:3

Lona, le se le hlahotswe ka lentswe leo ke le boleletseng lona.

Deuteronoma 17:18

Etlare hobane a dule setulong sa borena ba hae, a ingolle buka ya molao oo, a nke ditaba bukeng e leng ho baprista ba Balevi.

2 Timothea 2:22

O ke o balehele ditakatso tsa botjha, mme o phehelle ho loka, le tumelo, le lerato, le kgotso hammoho le bohle ba rapelang Morena ka pelo e hlwekileng.

Joshua 1:7

Feela o iphe matla, o etse ka senna haholo, o hlokomele ho etsa ka molao wohle oo Moshe, mohlanka wa ka, a o laetseng wona. O se ke wa o kgeloha ho ya ka ho le letona, leha e le ho le letshehadi, o tle o atlehe kahohle moo o yang teng.