Dipesaleme 115:10 - Sesotho 1909/1961 (SO)

¹⁰ Ntlo ya Aarone, o itshepele Jehova: Ke yena thuso ya bona le thebe ya bona.

BIBELE

¹⁰ Lona ba ntlo ya Arone, tshepang Morena: Ke yena thuso le thebe ya lona.

Dipesaleme 115:10 ပူးပေါင်းရင်းမြစ်များ

Genese 15:1

Kamora taba tsena, lentswe la Jehova la fihla ho Abrame ka pono, la re: Se tshabe, Abrame; ke nna thebe ya hao, mme moputso wa hao o tla ba moholoholo.

Dipesaleme 118:3

Ntlo ya Aarone e ke e re: Efela mohau wa hae o hlola ka ho sa feleng!

Eksoda 28:1

O atametse Aarone, moholwane wa hao, pela hao, a tle le bara ba hae, ba kgethwe ho bana ba Iseraele, hore ba etse mosebetsi wa boprista pela ka: e be Aarone, le Nadabe, le Abihu, le Eleasare, le Ithamare, bara ba Aarone.

Numere 16:40

Ke kgopotso ho bana ba Iseraele, hore ho se ke ha eba motho osele, eo e seng wa mofuta wa Aarone, ya atamelang ho hlahisetsa Jehova dibano, esere a tshwana le Kore le letshwele la hae; ha etswa jwalo kamoo Jehova a neng a laetse Moshe kateng.

Numere 16:5

Yaba o bua le Kore le letshwele la hae, a re: Ka hosasane, Jehova o tla bontsha eo e leng wa hae, le eo a mo kgethileng hore a be haufi le yena; eo a mo kgethileng, o tla mo atametsa ho yena.

Numere 18:7

Wena le bara ba hao, le tla phetha ditshwanelo tsa boprista ba lona nthong tsohle tsa aletare, le tsa tse ka nqane ho lesira; ke yona tshebetso eo le tla e etsa. Ke le nea tshebetso ya boprista ka mokgwa wa mpho feela. Moditjhaba ya tlang ho atamela, o tla bolawa.