Dipesaleme 105:5 - Sesotho 1909/1961 (SO)

⁵ Hopolang mehlolo ya hae eo a e entseng, le meeka ya hae, le dikahlolo tse tswileng molomong wa hae,

BIBELE

⁵ Hopolang dimakatso tsa hae tseo a di entseng, mehlolo ya hae, le dikahlolo tseo a di boletseng,

Dipesaleme 105:5 ပူးပေါင်းရင်းမြစ်များ

Dipesaleme 103:2

Boka Jehova, moya wa ka, o se ke wa lebala ditshitso tsohle tsa hae!

Dipesaleme 119:13

Melomo ya ka e ntse e pheta dikahlolo tsohle tse tswileng molomong wa hao.

Dipesaleme 40:5

Jehova, Modimo wa ka, e kgolo hakakang palo ya mehlolo le ya merero eo o re etseditseng yona! Ha ho ya ka e lokodisang pela hao; leha ke rata ho e bolela le ho e bala, e be e fete palo.

Dipesaleme 77:11

Empa ke tla hopola diketso tsa Jehova, ke elellwe meeka ya hao ya boholoholo;

Dipesaleme 77:12

ke tla bolela mesebetsi ya hao kaofela, ke qaqisetse diketso tsa hao.

Luka 22:19

A ntoo nka bohobe, mme eitse hobane a lebohe, a bo ngwatha, a ba nea bona, a re: Hona ke mmele wa ka, o neelwang lona; etsang hona hore le tle le nne le nkgopole.

Deuteronoma 32:7

Elellwa mehla ya kgale, o lemohe dilemo tsa meloko e mengata; botsa ntatao, mme o tla o ruta; botsa maqheku a hao, mme a tla o bolella.

Deuteronoma 8:2

Hopola tsela yohle eo Jehova, Modimo wa hao, a o tsamaisitseng ka yona feelleng ka dilemo tsena tse mashome a mane, hore o kokobetswe, o lekwe, mme ho bonwe tse pelong ya hao, hore na o tla boloka ditaelo tsa hae, kapa tjhe.

Tshenolo 16:7

Ka ba ka utlwa lengeloi le leng ka nqa ya aletare, le re: Efela, Morena, Modimo o matla wohle, dikahlolo tsa hao ke tsa nnete le tsa ho loka.

Tshenolo 19:2

hobane dikahlolo tsa wona ke tsa nnete, ke tse lokileng; hobane o ahlotse seotswa se seholo, se bodisitseng lefatshe ka bootswa ba sona; mme o pheteditse madi a bahlanka ba wona letsohong la sona.